Qamchiq dovonida 28-iyun kuni yuk avtomashinasi bilan bog‘liq yo‘l-transport hodisasi sodir bo‘ldi. Bu haqda Favqulodda vaziyatlar vazirligi xabar qildi.
Qayd etilishicha, holat shu kuni soat 04:39 da A-373 avtomobil yo‘lining Qamchiq dovonidan o‘tgan 242-kilometrida sodir bo‘lgan. Vodiy—Toshkent yo‘nalishda yuksiz harakatlanib ketayotgan Mercedes-Benz avtomashina haydovchisi boshqaruvni yo‘qotib, yo‘l o‘rtasidagi temir to‘siqqa urilgan va qaychi shaklida to‘xtab qolgan. Avtomashinada haydovchi va 1 nafar yo‘lovchi bo‘lgan.
Voqea joyiga “Qamchiq” maxsus qidiruv, yong‘in-qutqaruv boshqarmasi qutqaruvchilari va YPX xodimlari yetib borgan. Qutqaruvchilar maxsus texnika yordamida yuk avtomashinasini yo‘l chetidagi xavfsiz hududga olib chiqib, haydovchiga amaliy yordam ko‘rsatgan.
Hodisa oqibatida tan jarohati olgan va halok bo‘lganlar yo‘q.
Izoh (0)