Samarqand viloyati Ishtixon tumanida 23-iyun kuni “Gaz-52” yuk mashinasida yong‘in yuzaga keldi. Bu haqda viloyat Favqulodda vaziyatlar boshqarmasi xabar qildi.
Qayd etilishicha, shu kuni soat 15:18 da Ishtixon tumani hududidan o‘tuvchi M-37 avtomobil yo‘lining 52-kilometrida harakatlanib ketayotgan yuk avtomashinasida yong‘in sodir bo‘layotgani to‘g‘risida tuman FVBga xabar kelib tushgan.
Voqea joyiga 2 ta yong‘in-qutqaruv ekipaji jalb etilgan. Ular yong‘inga soat 15:26 da yetib borgan va soat 15:32 da yong‘in to‘liq bartaraf etilgan.
Yong‘in oqibatida avtomashinaning old qismi qisman yonib, zararlangan. Shuningdek, yong‘indan avtomashinaning yuk xonasida bo‘lgan, taxminan, 3 tonna g‘alla saqlab qolingan.
Hozirda tergovga qadar tekshirish ishlari olib borilmoqda. Mavzuga doir:
