Қамчиқ довонида 28 июнь куни юк автомашинаси билан боғлиқ йўл-транспорт ҳодисаси содир бўлди. Бу ҳақда Фавқулодда вазиятлар вазирлиги хабар қилди.
Қайд этилишича, ҳолат шу куни соат 04:39 да А-373 автомобиль йўлининг Қамчиқ довонидан ўтган 242-километрида содир бўлган. Водий—Тошкент йўналишда юксиз ҳаракатланиб кетаётган Mercedes-Benz автомашина ҳайдовчиси бошқарувни йўқотиб, йўл ўртасидаги темир тўсиққа урилган ва қайчи шаклида тўхтаб қолган. Автомашинада ҳайдовчи ва 1 нафар йўловчи бўлган.
Воқеа жойига «Қамчиқ» махсус қидирув, ёнғин-қутқарув бошқармаси қутқарувчилари ва ЙПХ ходимлари етиб борган. Қутқарувчилар махсус техника ёрдамида юк автомашинасини йўл четидаги хавфсиз ҳудудга олиб чиқиб, ҳайдовчига амалий ёрдам кўрсатган.
Ҳодиса оқибатида тан жароҳати олган ва ҳалок бўлганлар йўқ.
Изоҳ (0)