Dunyodagi eng yirik dasturiy ta’minot ishlab chiqaruvchilardan biri O‘zbekistonda o‘z ofisini ochmoqchi

SAP kompaniyasi O‘zbekistonda o‘z vakolatxonasini ochmoqchi, deya xabar berdi IT-Park.

Kompaniyaning Markaziy va Sharqiy Yevropa bo‘yicha boshqaruvchi direktori Tom Kindermansning so‘zlariga ko‘ra, SAP mamlakatda yuridik shaxs tashkil etish niyatida.

Bu O‘zbekistonda IT-sohasining rivojlanishiga ijobiy ta’sir ko‘rsatishi, yirik texnologik kompaniyalarning bozorga kirishi uchun to‘lqinli effekt yaratishi kutilmoqda.

SAP 180 mamlakatda 440 000 dan ortiq mijoz bilan korporativ ilovalar bozorida yetakchilardan biri hisoblanadi. Kompaniya 2007-yildan buyon O‘zbekistonga o‘z texnologiyalarini yetkazib bermoqda.

Avvalroq O‘zbekistonda yangi chet el IT kompaniyalar soni 3 barobarga oshgani haqida xabar berilgan edi.