«Янги Ўзбекистон» боғида президент Шавкат Мирзиёев иштирокида Ёшлар кунига бағишланган тантанали тадбир бўлиб ўтмоқда, деб хабар берди «Дарё» мухбири.
Президентнинг айтишича, 2022 йилдан бошлаб 36 та спорт федерацияси, 274 та спорт мактаби ўз ҳудудидаги маҳаллалар, ўрта мактаблар, коллеж ва техникумлар билан ҳамкорликда ишлайди.
«Ҳар бир кўча, маҳалла, мактаб, коллеж ва техникумда футбол, баскетбол, волейбол, стол тенниси, велоспорт, югуриш, шахмат-шашка ва бошқа спорт турлари бўйича жамоалар тузилади.
Бундан буён, барча спорт мусобақалари «маҳалла – туман – вилоят – республика» занжири асосида ташкил этилади», — дейди Шавкат Мирзиёев.
Давлат раҳбарининг таъкидлашича, бундан буён ҳар йили олийгоҳларнинг сиртқи бўлимига ўқишга қабул қилинган 500 нафар энг фаол ёшлар етакчиларининг контракт тўловлари Ёшлар ишлари агентлиги томонидан тўлаб берилади.
«Шунингдек, ёш раҳбар кадрлар захираси шакллантирилиб, унинг 30 фоизи ёшлар етакчилари ҳисобидан тўлдирилади. Мен ёшлар етакчилари тимсолида бўлажак ҳокимлар ва вазирларни, йирик банк ва компаниялар, давлат ва нодавлат ташкилотлар, сиёсий партиялар лидерларини кўраман», — дейди Шавкат Мирзиёев.
Мавзуга доир:
- «Интернет тармоғида ўзбек миллий контентини ривожлантириш дастури амалга оширилади» — президент
- Шавкат Мирзиёев: «Республика билим беллашувларида юқори натижаларга эришган 70 нафар ўқувчи давлат ҳисобидан Буюк Британияга сафарга юборилади»
- «IT технологиялари бўйича ўқиш истагини билдирган ёшларга ҳам 20 миллион сўмгача миқдорда 4 йиллик имтиёзли кредит тақдим этилади» — президент
Изоҳ (0)