Milliy mass-mediani qo‘llab-quvvatlash va rivojlantirish jamoat fondi muhim loyihani ishga tushirmoqda. Bugun AOKAning xodimlari uchun gender sezgirlik bo‘yicha uch kunlik trening boshlandi. Bu haqda Saida Mirziyoyev o‘z sahifasida ma’lum qildi.
“AOKA xodimlari uch kun davomida xalqaro va mahalliy ekspertlardan respublika OAV kontentini monitoring va tahlil qilishni o‘rganadilar. Natijalar hisobot shaklida taqdim etiladi. So‘ng gender sezgirlik masalalarini yoritishda mavjud muammolar bo‘yicha qo‘llanma ishlab chiqiladi.
Ta’kidlab aytamanki, bu senzura emas va senzura bo‘lishi ham mumkin emas. Gap xalqaro majburiyatlarimiz va davlat siyosatiga katta zarar yetkazayotgan stereotiplarni targ‘ib qilish haqida gap ketyapti. Va eng muhimi, bu narsa jamiyatimizda madaniy oilaviy muomala-munosabatlarni o‘rnatishga to‘siq bo‘ladi. Odamlar odatiy bo‘lib qolgan munosabatlarni namoyish etuvchi seriallarni tomosha qilmoqda, ko‘p hollarda ayolni aybdor qilib ko‘rsatuvchi gazeta sarlavhalari va nashrlarini o‘qimoqda.
Agar OAV va telekanallarda xabarlarni to‘g‘ri taqdim etishga yordam beruvchi qo‘llanma bo‘lsa, biz tez orada klikbeytdan xalos bo‘lamiz. Jamiyat esa ayollarning jamiyatdagi o‘rniga nisbatan arxaik qarashlarini o‘zgartiradi. Menimcha, bu jamiyatda ayollarga nisbatan zo‘ravonlik va kamsitishning barcha shakllarini keskin qoralash yo‘lidagi muhim qadamdir”, – deb yozadi Saida Mirziyoyeva.
Izoh (0)