Futbol bo‘yicha O‘zbekiston Superligasining 13-turidan o‘rin olgan ikki o‘yin 29-iyun, chorshanba kuni bo‘lib o‘tdi.
Toshkent derbisida “Paxtakor” “Bunyodkor”ni qabul qildi. Uchrashuvning 18-daqiqasida Abbosbek Fayzullayev “Paxtakor”ni hisobda oldinga olib chiqdi. 51-daqiqada Jasurbek Hakimov hisobni tenglashtirdi. 81-daqiqada mehmonlar safida Umarali Rahmonaliyev o‘z hisobiga gol yozdirib qo‘ydi. Oradan 5 daqiqa o‘tib, Farrux Sayfiyev muvozanatni tikladi. Uchrashuv so‘ngida Umarali Rahmonaliyev penaltini golga aylantira olmadi, ammo darvozabon qaytargan to‘pni darvozaga joylab qo‘yib, “Bunyodkor”ning g‘alabasini ta’minladi.
Ushbu g‘alabadan so‘ng “Bunyodkor” ochkolari sonini 16 taga yetkazib, 7-o‘ringa ko‘tarilib oldi, “Paxtakor” esa 20 ochko bilan 5-pog‘onani band etdi.
“Neftchi” safarda “Surxon” mehmoni bo‘ldi. Uchrashuvning 34-daqiqasida Sirojiddin Qo‘ziyev hisobni ochdi. Birinchi bo‘limning qolgan daqiqalarida darvozalar daxlsizligi saqlanib qoldi. Ikkinchi bo‘limda esa Abdulaziz Yusupov muvozanatni tikladi. Uchrashuv durang natija bilan yakunlandi.
“Surxon” o‘yindan so‘ng ochkolari sonini 13 taga yetkazib, 8-o‘rinni egallab turibdi, “Neftchi” esa 11 ochko bilan 13-pog‘onadan joy olgan.
Superliga
13-tur bahslari
29-iyun, chorshanba
“Paxtakor” — “Bunyodkor” 2:3
Gollar: 1:0 — 18 Abbosbek Fayzullayev, 1:1 — 51 Jasurbek Hakimov, 1:2 — 81 Umarali Rahmonaliyev, 2:2 — 86 Farrux Sayfiyev, 2:3 — 90+4 Umarali Rahmonaliyev.“Paxtakor”: 35. Sanjar Quvvatov, 34. Farrux Sayfiev, 23. Sherzod A’zamov, 21. Kamen Hojiyev, 8. Azizbek Turg‘unboyev, 6. Ikrom Aliboyev, 27. Sardor Sobirxo‘jayev, 42. Abbosbek Fayzullayev (18. Hojimat Erkinov, 63), 10. Dragan Cheran, 28.Diyor Xolmatov (3. Hojiakbar Alijonov, 73), 66. Rustam Turdimurodov.
“Bunyodkor”: 32. Suhrob Sultonov, 4. Davron Ergashev, 6. Avazbek O‘lmasaliyev, 8. Fransis Narx (22. Usmonali Ismonaliyev, 56), 15. Jasur Hakimov ( 10. Rasul Yo‘ldoshev, 72), 17. Farhod Mirahmatov (19. Bilol Tupliyev, 46), 25. Muhammadsafo Fozilov, 29. Muzaffar Olimjonov, 33. Umarali Rahmonaliyev ( 21. G‘ayrat Azizxo‘jayev, 90+5), 34. Suhrob Izzatov, 49. Ibrohim Tomiva (14. Husayn Ergashboyev, 90+5).
Ogohlantirish: Hojimat Erkinov (67).
“Surxon” — “Neftchi” 1:1
Gollar: 1:0 — 34 Sirojiddin Qo‘ziyev, 1:1 — 75 Abdulaziz Yusupov.“Surxon”: 86. Davron Merganov, 3. Bobirjon Akbarov, 4. Javohir Sohibov (60. O‘ral Choriyev 75), 5. Serxio Rodriges, 8. Baxtiyorjon Qosimov, 10. Murodbek Bobojonov, 19. Nuriddin Hasanov, 23. Abdulaziz Yusupov, 33. Tohirjon Shamsitdinov (26. Ulug‘bek Abdullayev 31), 66. Behruz Shaydulov, 99. Kamron Saidazimov (6. Jahongir Ahmadov 56).
“Neftchi”: 45. Akbar To‘rayev, 6. Sirojiddin Qo‘ziyev (7. Oybek Qilichov 85), 13. Lutfullo To‘rayev, 17. Abdulloh Olimov, 19. Mirzohid G‘ofurov, 20. Anvarjon G‘ofurov, 21. Muhsinjon Ubaydullayev, 22. Umar Adhamzoda (11. Izzatilla Abdullayev 71), 44. Darko Stanoyevich, 77. Abrorbek Ismoilov, 99. Ulug‘bek Hoshimov.
Ogohlantirishlar: Ilhom Mo‘minjonov (14), Kamron Saidazimov (47), Davron Merganov (63), Umar Adhamzoda (66).
Izoh (0)