Britaniya bosh vaziri Boris Jonson Madriddagi NATO sammitida alyansning sharqiy qanotini mustahkamlash uchun Estoniyaga qo‘shimcha kuchlar yuborilishini e’lon qiladi.
“Shuningdek, Estoniyadagi boshqaruv markazini kengaytirish va mamlakatga qo‘shimcha kuchlarni, jumladan, havo hujumidan mudofaa tizimlari, artilleriya va vertolyotlarni o‘tkazish rejalashtirilmoqda”, — deyiladi 29-iyun kuni “ERR.ee” radioeshittirish portalida.
London NATOning Yevropadagi qo‘shinlari tarkibidagi kontingentini ham ko‘paytirishni maqsad qilyapti. NATOning sharqiy qanotidagi qo‘shinlar sonini ko‘paytirishni faol aytib kelayotgan Estoniya bosh vaziri Kaja Kallas avvalroq ta’kidlaganidek, sammitda uning mamlakatida qo‘mondonlik tuzilmasini yaratish va kontingent sonini diviziya darajasigacha ko‘paytirish masalasi ko‘tariladi. Xorijiy bo‘linma va qismlar asosan o‘z mamlakatlarida joylashadi hamda inqiroz holatlarida Estoniyaga yetib keladi.
Ayni paytda Buyuk Britaniya Estoniyada joylashgan NATO batalyoniga boshchilik qilmoqda, uning tarkibiga Britaniyadan tashqari Fransiya, Daniya va Island askarlaridan tarkib topgan 1200 harbiy kiradi.
Izoh (0)