Британия бош вазири Борис Жонсон Мадриддаги НАТО саммитида альянснинг шарқий қанотини мустаҳкамлаш учун Эстонияга қўшимча кучлар юборилишини эълон қилади.
«Шунингдек, Эстониядаги бошқарув марказини кенгайтириш ва мамлакатга қўшимча кучларни, жумладан, ҳаво ҳужумидан мудофаа тизимлари, артиллерия ва вертолётларни ўтказиш режалаштирилмоқда», — дейилади 29 июнь куни «ЭРР.эе» радиоэшиттириш порталида.
Лондон НАТОнинг Европадаги қўшинлари таркибидаги контингентини ҳам кўпайтиришни мақсад қиляпти. НАТОнинг шарқий қанотидаги қўшинлар сонини кўпайтиришни фаол айтиб келаётган Эстония бош вазири Кажа Каллас аввалроқ таъкидлаганидек, саммитда унинг мамлакатида қўмондонлик тузилмасини яратиш ва контингент сонини дивизия даражасигача кўпайтириш масаласи кўтарилади. Хорижий бўлинма ва қисмлар асосан ўз мамлакатларида жойлашади ҳамда инқироз ҳолатларида Эстонияга етиб келади.
Айни пайтда Буюк Британия Эстонияда жойлашган НАТО батальонига бошчилик қилмоқда, унинг таркибига Британиядан ташқари Франция, Дания ва Исланд аскарларидан таркиб топган 1200 ҳарбий киради.
Изоҳ (0)