Футбол бўйича Ўзбекистон Суперлигасининг 13-туридан ўрин олган икки ўйин 29 июнь, чоршанба куни бўлиб ўтди.
Тошкент дербисида «Пахтакор» «Бунёдкор»ни қабул қилди. Учрашувнинг 18-дақиқасида Аббосбек Файзуллаев «Пахтакор»ни ҳисобда олдинга олиб чиқди. 51-дақиқада Жасурбек Ҳакимов ҳисобни тенглаштирди. 81-дақиқада меҳмонлар сафида Умарали Раҳмоналиев ўз ҳисобига гол ёздириб қўйди. Орадан 5 дақиқа ўтиб, Фаррух Сайфиев мувозанатни тиклади. Учрашув сўнгида Умарали Раҳмоналиев пенальтини голга айлантира олмади, аммо дарвозабон қайтарган тўпни дарвозага жойлаб қўйиб, «Бунёдкор»нинг ғалабасини таъминлади.
Ушбу ғалабадан сўнг «Бунёдкор» очколари сонини 16 тага етказиб, 7-ўринга кўтарилиб олди, «Пахтакор» эса 20 очко билан 5-поғонани банд этди.
«Нефтчи» сафарда «Сурхон» меҳмони бўлди. Учрашувнинг 34-дақиқасида Сирожиддин Қўзиев ҳисобни очди. Биринчи бўлимнинг қолган дақиқаларида дарвозалар дахлсизлиги сақланиб қолди. Иккинчи бўлимда эса Абдулазиз Юсупов мувозанатни тиклади. Учрашув дуранг натижа билан якунланди.
«Сурхон» ўйиндан сўнг очколари сонини 13 тага етказиб, 8-ўринни эгаллаб турибди, «Нефтчи» эса 11 очко билан 13-поғонадан жой олган.
Суперлига
13-тур баҳслари
29 июнь, чоршанба
«Пахтакор» — «Бунёдкор» 2:3
Голлар: 1:0 — 18 Аббосбек Файзуллаев, 1:1 — 51 Жасурбек Ҳакимов, 1:2 — 81 Умарали Раҳмоналиев, 2:2 — 86 Фаррух Сайфиев, 2:3 — 90+4 Умарали Раҳмоналиев.«Пахтакор»: 35. Санжар Қувватов, 34. Фаррух Сайфиэв, 23. Шерзод Аъзамов, 21. Камен Ҳожиев, 8. Азизбек Турғунбоев, 6. Икром Алибоев, 27. Сардор Собирхўжаев, 42. Аббосбек Файзуллаев (18. Ҳожимат Эркинов, 63), 10. Драган Черан, 28.Диёр Холматов (3. Ҳожиакбар Алижонов, 73), 66. Рустам Турдимуродов.
«Бунёдкор»: 32. Суҳроб Султонов, 4. Даврон Эргашев, 6. Авазбек Ўлмасалиев, 8. Францис Нарх (22. Усмонали Исмоналиев, 56), 15. Жасур Ҳакимов ( 10. Расул Йўлдошев, 72), 17. Фарҳод Мираҳматов (19. Билол Туплиев, 46), 25. Муҳаммадсафо Фозилов, 29. Музаффар Олимжонов, 33. Умарали Раҳмоналиев ( 21. Ғайрат Азизхўжаев, 90+5), 34. Суҳроб Иззатов, 49. Иброҳим Томива (14. Ҳусайн Эргашбоев, 90+5).
Огоҳлантириш: Ҳожимат Эркинов (67).
«Сурхон» — «Нефтчи» 1:1
Голлар: 1:0 — 34 Сирожиддин Қўзиев, 1:1 — 75 Абдулазиз Юсупов.«Сурхон»: 86. Даврон Мерганов, 3. Бобиржон Акбаров, 4. Жавоҳир Соҳибов (60. Ўрал Чориев 75), 5. Серхио Родригес, 8. Бахтиёржон Қосимов, 10. Муродбек Бобожонов, 19. Нуриддин Ҳасанов, 23. Абдулазиз Юсупов, 33. Тоҳиржон Шамситдинов (26. Улуғбек Абдуллаев 31), 66. Беҳруз Шайдулов, 99. Камрон Саидазимов (6. Жаҳонгир Аҳмадов 56).
«Нефтчи»: 45. Акбар Тўраев, 6. Сирожиддин Қўзиев (7. Ойбек Қиличов 85), 13. Лутфулло Тўраев, 17. Абдуллоҳ Олимов, 19. Мирзоҳид Ғофуров, 20. Анваржон Ғофуров, 21. Муҳсинжон Убайдуллаев, 22. Умар Адҳамзода (11. Иззатилла Абдуллаев 71), 44. Дарко Станоевич, 77. Аброрбек Исмоилов, 99. Улуғбек Ҳошимов.
Огоҳлантиришлар: Илҳом Мўминжонов (14), Камрон Саидазимов (47), Даврон Мерганов (63), Умар Адҳамзода (66).
Изоҳ (0)