Milliarder Ilon Maskning Twitter’dagi mikrobloglar servisidagi obunachilari soni 100 milliondan oshdi. Ayni vaqtda Maskning Twitter’dagi sahifasiga 100,1 milliondan ortiq foydalanuvchi obuna bo‘lgan.
Ushbu natijadan keyin Mask Twitter’da obunachilari soni 100 millionlik dovondan o‘tgan oltinchi shaxsga aylandi: ushbu ro‘yxatda AQSH sobiq prezidenti Barak Obama, qo‘shiqchilar Rianna, Keyti Perri, Jastin Biber, shuningdek, “Manchester Yunayted” hujumchisi Krishtianu Ronaldu bor.
Avval Maskning kutilmagan tvitlari Tesla aksiyalarining narxiga ta’sir ko‘rsatgan, natijada 2019-yil aprelida AQSH qimmatli qog‘ozlar va birja bo‘yicha komissiyasi unga Tesla yuristlarining xulosasisiz muayyan mavzularda bunday shov-shuvli tvitlar e’lon qilishni taqiqlagandi.
2022-yil aprel oyida Ilon Mask Twitter’ni 44 milliard dollarga sotib olganini e’lon qildi, ammo keyinchalik ijtimoiy tarmoq servisda feyk akkauntlar soni haqida yolg‘on axborot berganini vaj sifatida ko‘rsatib kelishuvni to‘xtatgan. May oyida Twitter egalari tushunarsiz kelishuv shartlari va ijtimoiy tarmoq aksiyalari narxining tushishi tufayli tadbirkorni sudga bergan.
Izoh (0)