Fransiya quyi palatasining yangi tarkibi rais saylab oldi. Avvalgi spiker prezident Makronning “Olg‘a, Respublika” vakili Rishar Ferran o‘z okrugida yutqazdi va yangi parlament tarkibiga kira olmadi. Bu haqda “Kommersant” xabar bergan.
Fransiya yangi parlamenti raisi lavozimiga “Olg‘a, Respublika” partiyasi a’zosi, nomzodi Yael Braun-Pive saylandi. U Fransiyada bu kabi yuqori martabali lavozimni egallagan birinchi ayol rahbar.
51 yoshli advokat 1930-yillarda Fransiyaga qochib kelgan polshalik yahudiy muhojirlar oilasida voyaga yetgan, u 2017-yilda ilk bor paralamentga saylangan. Yael Braun-Pive avval Milliy kengashning qonunchilik komissiyasiga rahbarlik qilgan.
2022-yilda Yael Braun-Pive Fransiyaga tegishi orollarni muvofiqlashtiruvchi vazir lavozimida ishlagan. 20-mayda u Elizabet Born hukumati tarkibiga kirdi, 25-iyunda esa uning mahkamasini tark etib, raislik lavozimi uchun kurashishga qaror qildi. Yael Braun-Pivega o‘nglar partiyasi “Respublikachilar” nomzodi Anni Jenevar va “Milliy birlashuv” a’zosi Sebastyan Shenyu raqib bo‘lgandi.
Garchi Emmanuel Makron iyundagi saylovlarda parlamentdagi asosiy o‘rnini yo‘qotgan bo‘lsa ham 28-iyunda o‘tgan parlament ichki saylovlari prezidentlik blokining o‘zi uchun foydali qarorlar chiqarish qobiliyatiga ega ekanini ko‘rsatmoqda.
Izoh (0)