Kaliningrad viloyati Sovetsk shahri ma’muriyatining ijtimoiy tarmoqlarida litvalik yozuvchi Vidunasning uylardan biriga o‘rnatilgan yodgorlik lavhasi demontaj qilingani aks etgan kadrlar e’lon qilindi.
Vidunas (haqiqiy ismi Vilhelmas Storosta) — Litva yozuvchisi, dramaturg va faylasuf. 1892-yildan 1944-yilgacha u vaqtinchalik Tilzitda yashagan, bu shahar hozirda Sovetsk deb ataladi. Bu yerda boshqa kasblari qatorida maktabda dars bergan. 200 litlik banknotada Vidunas tasviri tushirilgan.
18-iyundan Litva Rossiyadan Kaliningradga tranzit poyezdlarning o‘z hududi orqali o‘tishini, 21-iyundan esa Yevropa Ittifoqi sanksiyalari ostida qolgan tovarlar bilan yuk tashishni to‘xtatdi. Kaliningrad viloyati gubernatori ma’lumotlariga ko‘ra, taqiq Rossiya Federatsiyasi viloyatlaridan mintaqaga olib kelinayotgan tovarlarning qirqdan ellik foizigacha ta’sir ko‘rsatadi. Rossiya rasmiylari Litvani transport “blokadasi”da ayblab, cheklovlar olib tashlanmasa, javob choralarini ko‘rish bilan tahdid qilgan.
Izoh (0)