Bolgariya tashqi ishlar vazirligi malakatdagi rossiyalik diplomatlar sonini qisqartirishga va Rossiyadagi bolgariyalik diplomatlar me’yoridan oshmagan miqdordagi personalni qoldirishga qaror qildi.
Bolgariya tashqi ishlar vazirligi rasmiylari Rossiya elchisi Eleonora Mitrofanova bilan uchrashuvda bu haqida ma’lumot bergan. Bolgariyada 23 nafar rossiyalik diplomat hamda 25 nafar texnik xodim qoladi, deyiladi TIV bayonotida.
Bolgariya TIV Rossiyaning mamlakatdagi favqulodda va muxtor elchisiga diplomatik vakolatxonada faoliyat yuritgan 70 nafar rossiyalik xodim ro‘yxatini taqdim etgan, ular 2022-yil 3-iyul yarim tunga qadar davlatdan chiqib ketishi kerak.
“TASS” agentligining Sofiyadagi Rossiya elchixonasida ishlovchi manbasi 70 nafar diplomat va texnik personalning Bolgariyadan ketishini bildirgan. Bolgariya hukumati 3-iyul kuni barcha 70 nafar xodim bitta samolyot reysida mamlakatdan ketishini qayd etgan.
Bolgariyaning “Dnevnik” nashri norasmiy axborotlarga tayanib, Rossiyaning Sofiyadagi elchixonasida 150 ga yaqin xodim ishlashi haqida yozgan.
Rossiya tashqi ishlar vazirligi vakillari hozircha Bolgariyaning mazkur harakatiga javob berilishi xususida norasmiy chiqishlar qilgan holda reaksiya bildirgan.
Izoh (0)