Болгария ташқи ишлар вазирлиги малакатдаги россиялик дипломатлар сонини қисқартиришга ва Россиядаги болгариялик дипломатлар меъёридан ошмаган миқдордаги персонални қолдиришга қарор қилди.
Болгария ташқи ишлар вазирлиги расмийлари Россия элчиси Элеонора Митрофанова билан учрашувда бу ҳақида маълумот берган. Болгарияда 23 нафар россиялик дипломат ҳамда 25 нафар техник ходим қолади, дейилади ТИВ баёнотида.
Болгария ТИВ Россиянинг мамлакатдаги фавқулодда ва мухтор элчисига дипломатик ваколатхонада фаолият юритган 70 нафар россиялик ходим рўйхатини тақдим этган, улар 2022 йил 3 июль ярим тунга қадар давлатдан чиқиб кетиши керак.
«ТАСС» агентлигининг Софиядаги Россия элчихонасида ишловчи манбаси 70 нафар дипломат ва техник персоналнинг Болгариядан кетишини билдирган. Болгария ҳукумати 3 июль куни барча 70 нафар ходим битта самолёт рейсида мамлакатдан кетишини қайд этган.
Болгариянинг «Дневник» нашри норасмий ахборотларга таяниб, Россиянинг Софиядаги элчихонасида 150 га яқин ходим ишлаши ҳақида ёзган.
Россия ташқи ишлар вазирлиги вакиллари ҳозирча Болгариянинг мазкур ҳаракатига жавоб берилиши хусусида норасмий чиқишлар қилган ҳолда реакция билдирган.
Изоҳ (0)