Россия Ташқи ишлар вазирлиги санкциялар рўйхатига яна 25 нафар Америка фуқаросини, жумладан, АҚШ президентининг рафиқаси Жилл ва қизи ва Эшли Байденни қўшди.
Шунингдек, «қора рўйхат»да «русофобик курсни шакллантириш учун жавобгар» сенаторлар ҳам бор. Уларнинг барчасига Россияга кириш тақиқланди.
Россия Ташқи ишлар вазирлиги янги чекловларни «АҚШнинг Россия сиёсий ва жамоат арбобларига нисбатан тобора кенгайиб бораётган санкцияларига жавоб» деб атади.
Россия санкцияларига учраган АҚШ фуқароларининг умумий сони 1048 нафарга етди. Аввал Украинадаги уруш туфайли Ғарб санкциялари фонида Россия Ташқи ишлар вазирлиги Жо Байденнинг ўзи, унинг ўғли Хантер, собиқ давлат котиби Ҳиллари Клинтон, шунингдек, АҚШ вице-президенти Камала Харрис, Мета бош директори Марк Цукерберг, LinkedIn бош директори Райан Росланский ва Meduza нашрининг инглиз тилидаги версияси бош муҳаррири Кевин Ротрокка санкциялар жорий қилиб, уларнинг Россияга киришини тақиқлаган эди.
Изоҳ (0)