Жиззах вилояти Дўстлик туманида 27 июнь куни бозорда ёнғин чиқди. Бу ҳақда Фавқулодда вазиятлар вазирлиги хабар қилди.
Қайд этилишича, ҳолат куни соат 14:45 да Дўстлик тумани «Чинобод» МФЙ Дўстлик кўчасида жойлашган «Дўстлик деҳқон бозори»да содир бўлган. Ҳудудда жойлашган товуқ маҳсулотлари дўкони ва омборхона томининг 56 метр квадрат шифт қисми ҳамда дўкондаги маҳсулотлар ёнган.
Ёнғинга соат 14:48 да 2 та ёнғин қутқарув экипажи этиб борган. 14:53 да ёнғин ўраб олинган, 15:23 да ўчирилган.
Ёнғиндан қўшни дўконларнинг 80 метр квадрат майдони сақлаб қолинган. Фуқароларнинг тан жароҳати олиш ва ҳалок бўлиш ҳолатлари қайд этилмаган.
Ҳозирда ёнғиннинг сабаби ва зарари аниқланмоқда.
Изоҳ (0)