Farg‘onadagi ko‘p qavatli gipermarket 23,2 mlrd so‘mga auksionga qo‘yildi

Farg‘ona viloyati, Qo‘qon shahridagi ko‘p qavatli gipermarket kimoshdi savdosiga qo‘yildi. Lot ma’lumotlari “E-auksion” portalida e’lon qilingan. 

Lot izohida yozilishicha, gipermarket “Ipotekabank” tomonidan auksionga qo‘yilgan va ichidagi jihozlarisiz sotilmoqda. 3 qavatli bino 71 xonadan iborat. 

Yer uchastkasining umumiy maydoni — 1,9 gektar. Binoning maydoni — 4 120 kvadrat metr. Savdo binosida suv, elektr, gaz ta’minoti va kanalizatsiya tizimi mavjud. 

Auksionga qo‘yilgan zavodning boshlang‘ich bahosi — 23,2 mlrd so‘m. Arizalar 25-iyul 09:00 ga qadar qabul qilinadi. Savdolar xuddi shu kuni 10:00 da boshlanadi.

Avvalroq Toshkentdagi 80 xonali ofis binosi 25,6 mlrd so‘mga auksionga qo‘yilgani haqida xabar berilgan edi.