Toshkent shahri Mirobod tumanida subsidiya mablag‘i olib berishni va’da qilgan firibgar ushlandi. Bu haqda Iqtisodiy jinoyatlarga qarshi kurashish departamenti xabar qildi.
Qayd etilishicha, Bosh prokuratura huzuridagi departamentning Mirobod tuman bo‘limi tomonidan DXX xodimlari bilan hamkorlikda tezkor tadbir o‘tkazilgan. Unda muqaddam firibgarlik va boshqa jinoyatlari uchun sudlangan G.S. boshqa bir fuqaro S.ning ishonchiga kirib, hokimiyatda ishlovchi tanishlari orqali uy-joy olish uchun subsidiya mablag‘i olib berishini aytgani aniqlangan. Dastlab uning 1 ming dollarini qo‘lga kiritib, yana 700 dollarini olgan vaqtida ashyoviy dalillar bilan ushlangan.
Holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilgan. Hozirda tergov harakatlari o‘tkazilmoqda.
Mavzuga doir:
- Namanganda fuqaroga fermer xo‘jaligi yerini ajratib berish uchun 15 ming dollar so‘ragan hokim yordamchisi va uning sheriklari ushlandi
- Xorazmda pul evaziga fuqarolarga subsidiya asosida uy olib berishni va’da qilgan bank kassiri ushlandi
- Namanganda subsidiya ajratish uchun tadbirkordan 118 mln so‘m olgan mahalla raisi ushlandi
Izoh (0)