O‘zbekistonda so‘nggi bir hafta davomida koronavirus infeksiyasi bilan kasallanganlar sonining o‘sishi kuzatildi. Ushbu holat yuzasidan Sanitariya-epidemiologik osoyishtalik va jamoat salomatligi xizmatri boshlig‘i Bahodir Yusupaliyev “Daryo”ga izoh berdi.
Sog‘liqni saqlash ma’lumotlariga ko‘ra, 17-iyun kunida 90 ta, 18-iyun kuni 108 ta, 19-iyun kuni 93 ta, 20-iyun kuni 87 ta, 21-iyun kuni 82 ta, 22-iyun kuni 98 ta koronavirus bilan kasallanish qayd etilgan.
JSST tomonidan dunyo mamlakatlarida omikron shtammining Stealth-Omicron BA.2 varianti ustivor shtammga aylangani takidlanmoqda. Respublikada ham ushbu shtamm aniqlanib, hozirgi kunda koronavirus infeksiyasi bilan kasallanishda ushbu shtammning uchrayotgani kuzatilmoqda.Avvalroq Sog‘liqni saqlash vazirligi dunyoda omikronning yanada yuqumli mutatsiyasi tarqalayotgani haqida ma’lumot bergan edi. Unga ko‘ra, xalqaro ekspertlar omikronning yangi versiyalari dunyo bo‘ylab keng tarqala boshlaganidan xavotir bildirishgan. BA.2.12.1 subvarianti — shulardan biri.Innovatsion rivojlanish vazirligining Ilg‘or texnologiyalar markazida virus genomini o‘rganish (sekvenlash) bo‘yicha o‘tkazilgan taxlillarda 67, foizida omikron va 33 foizida omikron shtammining yangi mutatsiyadagi Stealth-Omicron BA.2 varianti topilgan.
Mamlakatda koronavirus infeksiyasiga qarshi emlashda qo‘llanilgan jami vaksinalar soni 57,7 million dozadan oshdi. Ulardan: birinchi bosqich emlanganlar 20 million 550 ming nafarni, ikkinchi bosqichda emlanganlar 16 million 856 ming nafarni, uchinchi bosqich va buster doza bilan emlanganlar 20 million 355 ming nafarni tashkil qildi.
Bugungi kunda mamlakatimizda koronavirus infeksiyasi bo‘yicha vaziyat barqarorligi ta’minlanib kelinmoqda. Lekin o‘tgan 2 yil davomida aynan iyul—avgust oylarida kasallanish ko‘tarilganligi qayd etilgan. Shuning uchun koronavirus infeksiyasini tarqalishini oldini olish maqsadida aholini koronavirus infeksiyasiga qarshi emlash va buster dozasi bilan qayta emlash ishlarini jadallashtirish katta axamiyatga ega.
Bahodir Yusupaliyev
“BA.2.12.1 boshqa mutatsiyalarga nisbatan antitanachalarga osonroq “chap berish” xususiyatiga ega. Qolaversa, yuquvchanligi, transmissivligi omikronning BA.2 versiyaga nisbatan 23-27 foiz yuqori”, – deyiladi vazirlik axborotida.
Qo‘shimcha qilinishicha, mazkur mutatsiyaning o‘chog‘i Nyu-York shahri hisoblanadi. U butun Qo‘shma Shtatlarni shiddat bilan “zabt” etmoqda. Hatto mamlakatning qator shtatlarida allaqachon dominantga aylanib ulgurgan.
Ma’lumot uchun, O‘zbekistonda 22-iyun holatiga ko‘ra koronavirus infeksiyasi bilan kasallanganlar soni 239 ming 895 nafarni tashkil etgan. Ulardan 237 ming 791 nafari ya’ni 99 foiz sog‘aygan, 1 ming 637 nafari vafot etgan.
Kasallik manbai, jumladan: 35-40 foiz holatda oiladan, 15-20 foiz holatda bemor ko‘shnilari yoki qarindoshlaridan, 7-8 foiz holatda jamoat joylarida, 5-8 foiz holatda ish joyida yuqtirib olingani aniqlangan.
Jahon sog‘liqni saqlash tashkilotining ma’lumotiga ko‘ra joriy yilning 22-iyun holatiga dunyoda 544 million nafardan ortiq bemorlarda koronavirus infeksiyasi aniqlangan, ulardan 6 million 300 ming nafari vafot etgan.
Izoh (0)