Тошкент шаҳри Миробод туманида субсидия маблағи олиб беришни ваъда қилган фирибгар ушланди. Бу ҳақда Иқтисодий жиноятларга қарши курашиш департаменти хабар қилди.
Қайд этилишича, Бош прокуратура ҳузуридаги департаментнинг Миробод туман бўлими томонидан ДХХ ходимлари билан ҳамкорликда тезкор тадбир ўтказилган. Унда муқаддам фирибгарлик ва бошқа жиноятлари учун судланган Г.С. бошқа бир фуқаро С.нинг ишончига кириб, ҳокимиятда ишловчи танишлари орқали уй-жой олиш учун субсидия маблағи олиб беришини айтгани аниқланган. Дастлаб унинг 1 минг долларини қўлга киритиб, яна 700 долларини олган вақтида ашёвий далиллар билан ушланган.
Ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилган. Ҳозирда тергов ҳаракатлари ўтказилмоқда.
Мавзуга доир:
- Наманганда фуқарога фермер хўжалиги ерини ажратиб бериш учун 15 минг доллар сўраган ҳоким ёрдамчиси ва унинг шериклари ушланди
- Хоразмда пул эвазига фуқароларга субсидия асосида уй олиб беришни ваъда қилган банк кассири ушланди
- Наманганда субсидия ажратиш учун тадбиркордан 118 млн сўм олган маҳалла раиси ушланди
Изоҳ (0)