Qishloq xo‘jaligi vazirligi O‘zbekistonda qaysi hududda ko‘proq g‘alla yetishtirilayotgani haqida ma’lumot berdi.
21-iyun holatiga ko‘ra, davlatga tovar don sotish 1 mln 435 ming tonna (80,5 foiz), birja savdolariga qo‘yish 258 ming tonna (52 foiz), urug‘lik don jamg‘arish 72 ming tonnaga (29 foiz) bajarildi.
Xorazm viloyati g‘allakorlari O‘zbekistonda peshqadamlardan bo‘lib davlat resurslariga 63,8 ming tonnalik tovar don buyurtmasini 15 kunda ortig‘i bilan 83,5 ming tonnaga (130,8 foiz) yetkazdi.
Bundan tashqari, Surxondaryo viloyati 210 ming tonna, Buxoro viloyati 150 ming tonna, Farg‘ona viloyati 205 ming tonna don jamg‘armoqda.
O‘zbekiston g‘allakorlari yalpi don ishlab chiqarishni 2 mln 938 ming tonna (38 foiz) yoki har gektaridan o‘rtacha don hosildorligini 75 sentnerga yetkazishni o‘z oldilariga maqsad qilib olishgan.
Ayni kunlarda viloyat g‘allazorlarida o‘rim-yig‘im ishlari qizg‘in davom ettirilmoqda.
G‘alladan yuqori hosil olish yo‘lida bajarilgan chora-tadbirlar
2022-yilda O‘zbekistonda 1 mln 88,4 ming gektar (1 mln 33,1 ming gektar sug‘oriladigan va 55,3 ming gektar lalmi) maydonlarga ekilgan kuzgi boshoqli don ekinlaridan 7,8 mln tonna don yetishtirish rejalashtirilgan.
Joriy yil hosili uchun ekilgan g‘alla maydonlarining 57 ming gektariga lazerli tekislagichlar bilan ishlov berildi va 254 ming gektarga zamonaviy seyalkalarda don ekildi.
Shuningdek, biologik eskirgan navlar o‘rniga yuqori hosilli, ertapishar, ob-havoning noqulay sharoitlariga chidamli 12 ta (shundan 8 ta mahalliy) kuzgi bug‘doy navlari maydonlari 669 ming gektarga kengaytirildi.
2022-yil hosili uchun g‘alla ekish mavsumi oldingi yillarga nisbatan 10-12 kun erta yakunlanib, o‘tgan yilga qaraganda ko‘chat sonini gektariga 4,8-5,5 mln dona (50-60 ming tup ko‘p) olishga erishildi.
Vazirlar Mahkamasining qaroriga asosan “O‘zdonmahsulot” AK tizimidagi korxonalarga 2 mln 550 ming tonna don qabul qilish belgilangan.
Shundan 2 mln 283,5 ming tonna donning 1 mln 783 ming tonna tovar don davlat resurslariga xarid qilinishi, 500 ming tonna vaqtincha saqlashga qabul qilinishi hamda 266,5 ming tonna urug‘ don qabul qilinishi ko‘rsatib o‘tilgan.
Avvalroq O‘zbekiston Markaziy Osiyoda eng yirik bug‘doy iste’molchisi bo‘lgan edi.
Izoh (0)