Қишлоқ хўжалиги вазирлиги Ўзбекистонда қайси ҳудудда кўпроқ ғалла етиштирилаётгани ҳақида маълумот берди.
21 июнь ҳолатига кўра, давлатга товар дон сотиш 1 млн 435 минг тонна (80,5 фоиз), биржа савдоларига қўйиш 258 минг тонна (52 фоиз), уруғлик дон жамғариш 72 минг тоннага (29 фоиз) бажарилди.
Хоразм вилояти ғаллакорлари Ўзбекистонда пешқадамлардан бўлиб давлат ресурсларига 63,8 минг тонналик товар дон буюртмасини 15 кунда ортиғи билан 83,5 минг тоннага (130,8 фоиз) етказди.
Бундан ташқари, Сурхондарё вилояти 210 минг тонна, Бухоро вилояти 150 минг тонна, Фарғона вилояти 205 минг тонна дон жамғармоқда.
Ўзбекистон ғаллакорлари ялпи дон ишлаб чиқаришни 2 млн 938 минг тонна (38 фоиз) ёки ҳар гектаридан ўртача дон ҳосилдорлигини 75 центнерга етказишни ўз олдиларига мақсад қилиб олишган.
Айни кунларда вилоят ғаллазорларида ўрим-йиғим ишлари қизғин давом эттирилмоқда.
Ғалладан юқори ҳосил олиш йўлида бажарилган чора-тадбирлар
2022 йилда Ўзбекистонда 1 млн 88,4 минг гектар (1 млн 33,1 минг гектар суғориладиган ва 55,3 минг гектар лалми) майдонларга экилган кузги бошоқли дон экинларидан 7,8 млн тонна дон етиштириш режалаштирилган.
Жорий йил ҳосили учун экилган ғалла майдонларининг 57 минг гектарига лазерли текислагичлар билан ишлов берилди ва 254 минг гектарга замонавий сеялкаларда дон экилди.
Шунингдек, биологик эскирган навлар ўрнига юқори ҳосилли, эртапишар, об-ҳавонинг ноқулай шароитларига чидамли 12 та (шундан 8 та маҳаллий) кузги буғдой навлари майдонлари 669 минг гектарга кенгайтирилди.
2022 йил ҳосили учун ғалла экиш мавсуми олдинги йилларга нисбатан 10-12 кун эрта якунланиб, ўтган йилга қараганда кўчат сонини гектарига 4,8-5,5 млн дона (50-60 минг туп кўп) олишга эришилди.
Вазирлар Маҳкамасининг қарорига асосан «Ўздонмаҳсулот» АК тизимидаги корхоналарга 2 млн 550 минг тонна дон қабул қилиш белгиланган.
Шундан 2 млн 283,5 минг тонна доннинг 1 млн 783 минг тонна товар дон давлат ресурсларига харид қилиниши, 500 минг тонна вақтинча сақлашга қабул қилиниши ҳамда 266,5 минг тонна уруғ дон қабул қилиниши кўрсатиб ўтилган.
Аввалроқ Ўзбекистон Марказий Осиёда энг йирик буғдой истеъмолчиси бўлган эди.
Изоҳ (0)