O‘zbekisonning 2022-yil yanvar—may oylaridagi tashqi savdo aylanmasi ma’lum bo‘ldi. Bu haqda Davlat statistika qo‘mitasi xabar bermoqda.
Joriy yilning dastlabki 5 oyida tashqi savdo aylanmasi 20,5 mlrd dollarni tashkil qilgan. O‘tgan yilning shu davriga nisbatan bu ko‘rsatkich o‘tgan yilning shu davriga nisbatan 5,5 mlrd dollarga ko‘proqdir.
Yanvar—may oylariga ko‘ra eksport 8,3 mlrd dollar bo‘lgan bo‘lsa, import 12,1 mlrd dollarga yetgan. 2021-yilning ilik 5 oyida bu ko‘rsatkichlar mos ravishda 5,7 mlrd dollar va 9,2 mlrd dollar edi.
O‘zbekiston 5 oy ichida qariyb 3 mlrd dollarlik oltin sotgan. O‘tgan yilning shu davrida 1,2 mlrd dollarlik oltin sotilgan edi. Oradagi farq 2,5 borabarga ko‘paygan.
Boshqa mamlakatlardan 11,2 mlrd dollarlik tovarlar olib kelingan bo‘lsa, O‘zbekiston chet elga 4,2 mlrd dollarlik tovarlar sotgan. Oradagi farq — 7 mlrd dollar.
Oltinning ko‘p sotilayotgani hisobiga O‘zbekiston eksporti o‘tgan yilning shu davriga nisbatan 45,5 foizga o‘sgan.
2022-yilning yanvar—may oylarida 3,8 mlrd dollarlik passiv tashqi savdo balansi kuzatildi.
O‘zbekiston eng ko‘p savdo qilayotgan 10 ta davlatdan 8 tasiga kamroq sotib, ulardan ko‘proq sotib olmoqda.
O‘zbekiston dunyoning 167 mamlakati bilan savdo aloqalarini amalga oshirib kelmoqda.
Tashqi savdo aylanmasining nisbatan salmoqli hissasi Xitoy (18,5 foiz), Rossiya (15,8 foiz), Qozog‘iston (8,5 foiz), Turkiyada (7,0 foiz), Koreya (5,3 foiz), Germaniya (2,4 foiz) va Qirg‘iz Respublikasida (2,1 foiz) qayd etilgan.
O‘zbekiston kimga nima sotdi
Birinchi o‘rinda oltin (ulushi 35,5 foiz). Ikkinchi o‘rinda sanoat tovarlari (23,1 foiz), uchinchi o‘rinda xizmatlar (13,4 foiz).
Miqdorlar haqida gapiradigan bo‘lsak, oltin 2,97 mlrd dollarga, sanoat tovarlari 1,9 mlrd dollarga, xizmatlar esa 1,1 mlrd dollarga sotilgan.
O‘g‘itlar va energiya ishlab chiqaruvchi mashinalar eksporti bir necha baravar oshdi, ammo sabzavot va mevalar, yog‘lar, elektr toki, cho‘yan, po‘lat va oltin savdosi kamaydi.
12,6 foiz ulush bilan Xitoy asosiy xaridor bo‘lgan. Ikkinchi o‘rinda Rossiya (11,2 foiz), uchinchi o‘rinda Turkiya (8,9 foiz).
Toshkent shahri, Toshkent va Andijon viloyatlari xorijga eng ko‘p mahsulot sotgan. Eng kam sotganlar — Surxondaryo, Xorazm va Jizzax viloyatlari.
O‘zbekiston kimdan nima sotib oldi
Birinchi o‘rinda avvalgi yillardagi kabi sanoatni rivojlantirish uchun mashina va uskunalar (34,1 foiz).
Ikkinchi o‘rinda sanoat mahsulotlari (18,2 foiz), uchinchi o‘rinda kimyoviy vositalar va shunga o‘xshash mahsulotlar (13,8 foiz).
O‘zbekiston eng ko‘pi Xitoy (22,5 foiz), Rossiya (18,9 foiz) va Qozog‘istondan (10,4 foiz) xarid qilgan.
Hududlar bo‘yicha eng ko‘p import qilingan mahsulotlar Toshkent shahri, Toshkent va Andijon viloyatlariga to‘g‘ri keladi. Eng kami — Qashqadaryo, Qoraqalpog‘iston hamda Surxondaryo viloyatiga.
Izoh (0)