Boks bo‘yicha sobiq jahon chempioni Mayk Tayson videobloger Jeyk Pol bilan jang qilishga tayyorligini bildirdi.
Shu bilan birga “Temir Mayk” bitta shart qo‘ydi: jang 2022-yilda bo‘lib o‘tishi lozim.
Bu juda qiziqarli jang bo‘lishi mumkin. Ilgari uning taklifini jiddiy qabul qilmaganman, ammo endi, ha, bu juda qiziq bo‘lishi mumkin.Mart oyining oxirida bloger Jeyk Pol podkastlarining birida hazil tariqasida Mayk Taysonni jangga chaqirgandi. “Mayk, agar sen ushbu podkastni ko‘rayotgan bo‘lsang, kel, biroz zavqlanamiz. Yangi maktab eski maktab vakiliga qarshi. Menimcha, muxlislar ham buni ko‘rishni xohlaydi”, — deb aytgandi Jeyk.Barcha narsaning iloji bor, bu haqiqat. Lekin agar jang qilish kerak bo‘lsa, faqat shu yil tashkil qilish kerak. Yil oxiriga qadar hammasini tartibga solishga ulgurishimiz lozim.
Har safar bu yigit jang qilganida uni 70 million odam tomosha qiladi. Hatto jahon chempionlarida ham bunchalik ko‘p muxlis yo‘q.
Shunday ekan, u boksga shov-shuvli hissa qo‘shdi. Pol hammaga ko‘proq pul ishlab topishga yordam bermoqda. Odamlar uni nega yoqtirmasligini tushunmayman.
Mayk Tayson, sobiq bokschi
YouTube bloger Jeyk Pol so‘nggi jangida UFC sobiq chempioni Tayron Vudlini nokautga uchratgan edi.
Izoh (0)