Бокс бўйича собиқ жаҳон чемпиони Майк Тайсон видеоблогер Жейк Пол билан жанг қилишга тайёрлигини билдирди.
Шу билан бирга «Темир Майк» битта шарт қўйди: жанг 2022 йилда бўлиб ўтиши лозим.
Бу жуда қизиқарли жанг бўлиши мумкин. Илгари унинг таклифини жиддий қабул қилмаганман, аммо энди, ҳа, бу жуда қизиқ бўлиши мумкин.Март ойининг охирида блогер Жейк Пол подкастларининг бирида ҳазил тариқасида Майк Тайсонни жангга чақирганди. «Майк, агар сен ушбу подкастни кўраётган бўлсанг, кел, бироз завқланамиз. Янги мактаб эски мактаб вакилига қарши. Менимча, мухлислар ҳам буни кўришни хоҳлайди», — деб айтганди Жейк.Барча нарсанинг иложи бор, бу ҳақиқат. Лекин агар жанг қилиш керак бўлса, фақат шу йил ташкил қилиш керак. Йил охирига қадар ҳаммасини тартибга солишга улгуришимиз лозим.
Ҳар сафар бу йигит жанг қилганида уни 70 миллион одам томоша қилади. Ҳатто жаҳон чемпионларида ҳам бунчалик кўп мухлис йўқ.
Шундай экан, у боксга шов-шувли ҳисса қўшди. Пол ҳаммага кўпроқ пул ишлаб топишга ёрдам бермоқда. Одамлар уни нега ёқтирмаслигини тушунмайман.
Майк Тайсон, собиқ боксчи
YouTube блогер Жейк Пол сўнгги жангида UFC собиқ чемпиони Тайрон Вудлини нокаутга учратган эди.
Изоҳ (0)