Telegram’dagi kanallarning birida Koson tumani hokimi Asrol Boyqarayevning matbuot kotibiga o‘zini tez-tez yoritib turishini so‘ragani, oxirgi marotaba uni matbuot kotibi qutqarib qolgani aytilgan xabar tarqaldi. Koson hokimi matbuot kotibi Dilshod Nabiyev mazkur xabarni rad etdi.
“Bu axborot urushi. Koson tumani hokimi Asrol Boyqarayev bunday deydigan hokim emas. Uch yildan beri shu hokimning matbuot kotibi sifatida ishlab kelgan bo‘lsam, biror marta meni yoriting deb aytamagan. Qolaversa, men bunday gap gapirmaganman”, — deydi Dilshod Nabiyev “Daryo”ning bu haqdagi so‘roviga javob berar ekan.
Koson tumani hokimligi axborot xizmati rahbari Telegram kanal admini unga tuhmat qilayotganini, u bilan bu haqda hech kim muloqot qilmaganini aytmoqda.
“Eng yomoni tuhmat. Aytilmagan gapni aytdi deb to‘qish kerak emas”, — deydi Dilshod Nabiyev.
Avvalroq Koson tumani hokimi Asrol Boyqarayev yuqori lavozimdagi mansabdorga qo‘l ko‘tarishi ortidan qamoqqa olingani haqida ham xabar tarqaldi. Hokimlik esa buni rad etgandi.
Izoh (0)