Pomirdagi terrorchilarga qarshi operatsiya yakuniga yetdi. Uning yakuniga ko‘ra 16 nafar oda (terrorchilar) o‘ldirilgan va 220 nafar gumonlanuvchi hibsga olingan. Bu haqda Tojikistonning Tog‘li Badaxshon avtonom viloyati xavfsizlik va jamoat tartibi bo‘yicha idoralararo komissiyasi axborotiga tayanib “Kommersant” xabar bergan.
Pomir o‘lkasi nomini olgan Tog‘li Badaxshon avtonom viloyati aholi soni bo‘yicha mamlakatning birinchi raqamli hududi hisoblanadi. Tog‘li hudud mamlakatning qolgan qismi bilan qumli avtomobil yo‘llari orqali bog‘langan.
2022-yil may oyida hudud markazi Xorogda ommaviy norozilik namoyishlari bo‘lib o‘tgan. Miting ishtirokchilaridan biri halok bo‘lgan, ichki ishlar vazirligi tizimida ishlagan uch nafar xodim jarohatlangandi. Muxolifat vakillari aholining noroziligiga hududda uzoq vaqtdan beri davom etayotgan keskin tartib hamda mahalliy ziyolilarning hisbga olinishi sabab ekanini aytgan.
18-mayda Pomirda aksilterrorchilik operatsiyasi boshlangani e’lon qilindi. Komissiya xabarida viloyatdagi norozilik namoyishi oldindan rejalashtirilgani tashqi va ichki kuchlar hududdagi vaziyatni beqarorlashtirishga uringani haqida bayonot bergan.
Xabarga ko‘ra operatsiyalarda uyushgan jinoiy guruhning 12 nafar yetakchisi hibsga olingani ma’lum qilingan. Ularning bir qismi qamoqqa tashlangan, jangarilar guruhi vakillari esa to‘qnashuvlar vaqtida halok bo‘lgan.
Izoh (0)