Qozog‘iston prezidenti Qosim-Jo‘mart To‘qayev Sankt-Peterburg xalqaro iqtisodiy forumida so‘zlagan nutqida DXR va LXRni kvazi-davlat (ma’lum bir mintaqaga da’vogarlik qiladigan va u yerda qandaydir hududiy nazoratni amalga oshiradigan, lekin davlatchilikning ba’zi mezonlariga ega bo‘lmagan jangari separatistik guruh) hududlari deb atadi.
To‘qayevning aytishicha, Qozog‘iston ularning mustaqilligini tan olmaydi.
Bu haqda To‘qayev Rossiya prezidenti Vladimir Putin ishtirokidagi forumning yalpi majlisida savollarga javob berayotib ma’lum qildi.
To‘qayevning so‘zlariga ko‘ra, Qozog‘istonda ochiq jamiyat shakllangan bo‘lib, ular Rossiyaning Ukrainadagi “maxsus operatsiyasi” haqida turli fikrlar bildirmoqda.
To‘qayev dunyoda ikki tamoyil – davlatlarning hududiy yaxlitligi va xalqlarning o‘z taqdirini o‘zi belgilash huquqi o‘rtasida qarama-qarshilik borligini ta’kidladi.
Shuningdek, u Qozog‘iston na Tayvan, na Kosovo, na Abxaziya, na Janubiy Osetiya mustaqilligini tan olmasligini aytdi.
Mavzuga doir:
- To‘qayev: “Rossiyadagi ba’zi odamlar bu vaziyatni noto‘g‘ri talqin qilib, Rossiya Qozog‘istonni qutqarib qoldi, endi Qozog‘iston Rossiyaning xizmatida bo‘lishi va oyoqlariga ta’zim qilishi kerakligini da’vo qilmoqda”
- “Qozog‘iston oligarxlar bilan butunlay xayrlashishi kerak” — Qosim-Jo‘mart To‘qayev
Izoh (0)