Помирдаги террорчиларга қарши операция якунига етди. Унинг якунига кўра 16 нафар ода (террорчилар) ўлдирилган ва 220 нафар гумонланувчи ҳибсга олинган. Бу ҳақда Тожикистоннинг Тоғли Бадахшон автоном вилояти хавфсизлик ва жамоат тартиби бўйича идоралараро комиссияси ахборотига таяниб «Коммерсантъ» хабар берган.
Помир ўлкаси номини олган Тоғли Бадахшон автоном вилояти аҳоли сони бўйича мамлакатнинг биринчи рақамли ҳудуди ҳисобланади. Тоғли ҳудуд мамлакатнинг қолган қисми билан қумли автомобиль йўллари орқали боғланган.
2022 йил май ойида ҳудуд маркази Хорогда оммавий норозилик намойишлари бўлиб ўтган. Митинг иштирокчиларидан бири ҳалок бўлган, ички ишлар вазирлиги тизимида ишлаган уч нафар ходим жароҳатланганди. Мухолифат вакиллари аҳолининг норозилигига ҳудудда узоқ вақтдан бери давом этаётган кескин тартиб ҳамда маҳаллий зиёлиларнинг ҳисбга олиниши сабаб эканини айтган.
18 майда Помирда аксилтеррорчилик операцияси бошлангани эълон қилинди. Комиссия хабарида вилоятдаги норозилик намойиши олдиндан режалаштирилгани ташқи ва ички кучлар ҳудуддаги вазиятни беқарорлаштиришга урингани ҳақида баёнот берган.
Хабарга кўра операцияларда уюшган жиноий гуруҳнинг 12 нафар етакчиси ҳибсга олингани маълум қилинган. Уларнинг бир қисми қамоққа ташланган, жангарилар гуруҳи вакиллари эса тўқнашувлар вақтида ҳалок бўлган.
Изоҳ (0)