BMT migratsiya inqirozi va Ukrainadagi urush sabab yana qochoqlarning halokatli ahvoliga e’tibor qaratdi. Ustiga-ustak 20-iyun — Butunjahon qochoqlar kuni.
Millionlab ukrainaliklar urush tufayli uylarini tashlab ketishdi va BMTning qochoqlar bo‘yicha statistik ma'lumotlariga qo‘shildi. Tashkilotning yillik hisobotiga ko‘ra, dunyodagi majburiy qochqinlar soni allaqachon 90 millionga yaqin. Bundan tashqari, nisbatan uzoq davom etgan barqarorlik davridan so‘ng, so‘nggi o‘n yillikda bu ko‘rsatkich ikki baravardan ko‘proqqa oshgan.
2021-yilda o‘ziga yangi boshpana izlovchilar soni 4,5 milliondan ko‘p bo‘lgan. Yevropa Ittifoqidagi tegishli so‘rovlar soni bo‘yicha rekord o‘rnatgan mamlakat – Germaniya. Majburiy qochqinlarning ko‘pchiligi – uch million sakkiz yuz ming kishi Turkiyada yashaydi. Umuman olganda, dunyodagi to‘rtta mamlakat asosiy migratsiya yukini o‘z zimmasiga oladi — ular hissasiga dunyodagi barcha qochqinlarning deyarli uchdan bir qismi to‘g‘ri keladi.
Rossiyaning Ukrainaga bostirib kirishidan oldin Suriya dunyo xaritasining asosiy qaynoq nuqtasi edi. Qochqinlarning deyarli yarmi Suriya va boshqa bir qancha davlatlardan bo‘lgan. Ro‘yxatga, shuningdek, Afg‘oniston, Janubiy Sudan va Myanma ham kiritilgan.
Hisobotda Venesueladagi vaziyatga alohida e'tibor qaratilgan bo‘lib, BMTning Qochqinlar bo‘yicha Oliy komissarligi bu yerdagi vaziyatni “insonlarning tashqi migratsiyasi bo‘yicha ikkinchi yirik global inqiroz” iqtibosi bilan ta’riflaydi. Bugungi kunda dunyoning turli mamlakatlarida olti millionga yaqin venesuelalik qochqin va muhojirlar yashayapti.
Izoh (0)