Ispaniyada issiq iqlim tufayli o‘rmon yong‘inlari soni keskin ortib ketdi. Bu haqda bir qator Yevropa OAVga tayanib “Interfaks” xabar bergan.
O‘t o‘chiruvchilar o‘rmonlarda kelib chiqqan yong‘inlar bilan Kataloniya hududida ham kurash olib bormoqda. Baldomar shahri yaqinida yuz bergan yong‘inlar oqibatida qariyb ming gektar o‘rmon hududi kultepaga aylangan.
Yong‘in xavfsizligi xodimlari o‘rmon yong‘inlari bartaraf qilinmaydigan bo‘lsa u holda 20 ming gektar maydondagi daraxtzorlar yo‘q bo‘lib ketishi mumkinligi haqida ogohlantirgan.
Yuzlab o‘t o‘chiruvchilar o‘rmonlar hududida texnika, jumladan samolyotlar yordamida olovni o‘chirishga harakat qilgan.
2022-yil 5-iyun holatiga 2021-yilning mos davri bilan taqqoslaganda Ispaniyada o‘rmon yong‘inlari kuzatilgan maydon 34 foizga kamroq edi va bu 2018-yildan beri kuzatilgan eng past ko‘rsatkich hisoblanardi. Ammo issiq harorat, shamol va momaqaldiroq oqibatida butun mamlakat hududida o‘rmon yong‘inlari avj oldi.
16-iyunda mamlakatning bir qator hududlarida havo harorati Selsiy shkalasi bo‘yicha 40 gradusdan oshib ketgan. Ispaniyada kuzatilayotgan jazirama iqlim 1981-yilda kuzatilgan issiq haroratning takrori bo‘ldi.
Jazirama iqlim Yevropaning boshqa davlatlari, xususan Fransiyani ham chetlab o‘tmagan.
Izoh (0)