Bugun,

  • USD 11014.01
  • RUB 191.8
  • EUR 10674.78

Har yili O‘zbekiston oliy ta’lim muassasalari bitiruvchilarining 86 foizi ish bilan ta’minlanmoqda. Bu haqda 16-iyun kuni AOKAda bo‘lib o‘tgan matbuot anjumanida Oliy va o‘rta maxsus ta’lim vaziri Abduqodir Toshqulov ma’lum qildi, deya xabar bermoqda “Daryo” muxbiri.

Matbuot anjumanida vazir “Daryo” muxbirining savoliga javoban, necha foiz bitiruvchi ish bilan ta’minlanayotganini aytdi. Abduqodir Toshqulovning ta’kidlashicha, aksariyat bitiruvchilar o‘zi o‘qigan mutaxassislik bo‘yicha ishlamayapti.

“Hozirda 86 foiz bitiruvchilar ish bilan ta’minlanmoqda. Sizdagi qo‘rquv menda ham bor. Ertaga migrantlarimizning asosiy qismi bizning kontingent bo‘lib qolmaydimi, degan xavotir yo‘q emas. Ba’zida yandeks taksiga ham o‘tirib, aholi fikrlarini o‘rganganimizda ham taksistlarning aksariyati talaba bo‘lib chiqyapti. Bu xanjarni yurakka urish bilan barobar. Men shu tizimga agar javob beradigan xizmatda bo‘lsam, bu men uchun huzur bag‘ishlamagan. Mana shu 86 foiz ham o‘zining mutaxassisligi bo‘yicha emas, duch kelgan joyda ishlab ketyapti”, – dedi vazir.

Abduqodir Toshqulov

Abduqodir Toshqulov
Foto: “Daryo”

Abduqodir Toshqulov imtihonlarni osonlashtirib, o‘qish bitirishni murakkablashtirish borasida ham fikr bildirdi.

Dunyoda o‘qishga kirish oson, bitirish qiyinligini ko‘p aytamiz. Lekin bizda o‘qishga kirish og‘ir-u, o‘qish osonroq. Shuning uchun ham davlat oliy ta’lim muassasalariga bu yil kvotalar ko‘paytirmaymiz. Chunki talabalar soni ko‘payib ketdi. Imtihonlarda testdan oldin ham nimalardir qo‘yishimiz kerak. Testni yengillatishimiz lozim. O‘zi testlar ancha osonlashdi, lekin yana ham yengillashtirish kerak. Eng muhimi, ta’lim jarayonidagi sifatni yaxshilash zarur. Bilimi yetmaydigan odam: “men u universitetda o‘qiy olmayman”, deydigan darajaga chiqishimiz kerak. Hozir Toshkent tibbiyot akademiyasiga nisbatan shunaqa qarash shakllana boshlagan. Buning uchun qadamlar qo‘yilyapti. Masalan, o‘qishni ko‘chirish juda og‘riqli nuqta edi. 100 ming nafar talaba va ularning ota-onalari kerak bo‘lsa, ijtimoiy tarmoqlarda bizni til bilan aytganda qarg‘adi ham. Uni ham o‘qidik. Ertaga rektordan sharoitni qilib berdik, endi sifatni oshiring, deb so‘raymiz. Ko‘p narsa rahbarga bog‘liq ekan. Bitta universitet rektori ko‘p samarali ishlar qilishi mumkin. Lekin juda ayanchli ahvolga olib kelish ehtimoli ham bor. Ta’lim muassasasi rahbari eplasa ishlashi kerak. Hozir xorijdan to‘liq o‘quv rejasini sotib olib kelyapti va birdan tizim o‘zgarib ketyapti. Hamma imkoniyat berildi. Bojxona bojlarisiz adabiyot olib kela oladi. Kitoblarni tarjima qildira oladi. Cheklov yo‘qoldi. Lekin bu mustaqillikni o‘zlari va o‘qituvchilariga ustama yozish deb tushunmaslik kerak. Ta’lim sifatini oshirish shart.

Abduqodir Toshqulov, oliy va o‘rta maxsus ta’lim vaziri

Avvalroq vazirlik rahbari yangi o‘quv yilida oliy ta’lim muassasalariga qabulda nimalar o‘zgarayotgani bo‘yicha batafsil axborot bergandi.

Izoh
Asosiy yangiliklar
Dunyo
Rim papasi Putin va Zelenskiyga murojaat yo‘lladi
Sport
APL. “Manchester Siti” 9 ta gol urilgan derbida “Manchester Yunayted”ni tor-mor etdi. Holand va Fodendan het-trik
Sport
Superliga. “Nasaf” Toshkentda “Paxtakor”ni mag‘lub etib, yakka peshqadamga aylandi