Toshkentda yerusti metrosining Sergeli yo‘nalishida harakatlanayotgan poyezd vagonida qisqa tutashuv bo‘lib, to‘xtab qolgani aks etgan video ijtimoiy tarmoqlarda tarqalgandi. Toshkent metropoliteni holat yuzasidan rasmiy ma’lumot berdi.
Qayd etilishicha, 16-iyun kuni soat 20:05 lar atrofida “Yerusti halqa yo‘li” yo‘nalishining 6- va 7-bekatlari oralig‘ida joylashgan yo‘l chetidagi to‘sin tunukasining bir qismi atrofdagi kuchli shamol sababli o‘z o‘rnidan ko‘chishi natijasida harakatlanib kelayotgan harakat tarkibining tok qabul qilish moslamasiga teggan. Natijada qisqa tutashuv sodir bo‘lgan.
Shundan so‘ng mashinist harakat tarkibini to‘xtatib, harakatlanishga xavf soladigan holatlar yo‘qligini tekshirib, o‘z harakatini davom ettirgan.
Xabarda ta’kidlanishicha, mas’ul xodimlar holat yuzasidan joyiga borib o‘rganish ishlarini olib bordi.
Izoh (0)