Telegram tez orada o‘zining pullik obunasini joriy qiladi. Ushbu Premium akkauntlarning narxi ma’lum qilindi. Bu haqda “Telegram info” kanali xabar berdi.
Telegram Premium narxi oyiga 3,99 dollar bo‘lishi kutilmoqda.
Bu messenjer uchun reklama platformasidan keyingi ikkinchi monetizatsiya usuli bo‘ladi. U ilovani saqlash xarajatlarining bir qismini qoplaydi va ishlab chiquvchilar uchun foydalanuvchilarga cheksiz va bepul xizmat ko‘rsatishda davom etish imkonini beradi.
Pullik akkauntlarning bir nechta yangi imkoniyatlari bo‘lishi kutilmoqda:
Katta fayllarni yuklash
Telegram Premium egalari messenjer bulutiga 4 Gb gacha bo‘lgan katta hajmdagi fayllarni yuklashlari mumkin bo‘ladi.
Oddiy foydalanuvchilar 2 Gb gacha bo‘lgan media jo‘natishlari mumkin. Ilova xotirasi hali ham Telegram’dan foydalanuvchi har bir kishi uchun cheksizdir.
Yo‘qori tezlik
Media va hujjatlarni yuklab olish tezligida endi cheklovlar bo‘lmaydi. Pullik abonentlar kerakli fayllarni ilova keshiga avvalgidan tezroq yuklab olishlari mumkin.
Ovozli xabarlarni matnga aylantirish
Endi ovozli xabarlarni tinglashning hojati yo‘q: audio yozuvning mazmunini qulay matn formatiga tarjima qilish mumkin.
Reklamalar yo‘q
Barcha postlarni o‘qib chiqqandan so‘ng tasma oxirida ko‘rsatiladigan homiylik postlari endi yirik ommaviy kanallarda ko‘rinmaydi.
Imtiyoz faqat Premium abonentlari uchun amal qiladi. Barcha auditoriyaga reklamalarni o‘chirish uchun pullik vositalar hali ham kanal ma’murlari uchun mavjud emas.
Noyob reaksiyalar
Obuna bo‘lgan foydalanuvchilar standart to‘plamga kiritilmaydigan xabarlar ostida qo‘shimcha animatsion reaksiyalarni qoldirishlari mumkin (endi u 16 ta emojini o‘z ichiga oladi).
Premium stikerlar
Stikerlar har oy to‘liq ekran effektlari bilan eksklyuziv stikerlarni o‘z ichiga olgan paketlarda yangilana boshlaydi. Chatga bunday stikerlarni faqat Telegram Premium egalari yuborishi mumkin bo‘ladi.
Kengaytirilgan dialog boshqaruvi
Obunachilarga har qanday yorliqni standart papka sifatida o‘rnatish imkoniyati beriladi (hozirda All Chats standart papkadir).
Shuningdek, kiruvchi dialog oynalarini avtomatik arxivlash ko‘rinishida yashirish sozlamalari ham mavjud bo‘ladi — avval bu vosita barcha foydalanuvchilar uchun mavjud bo‘lmagan, faqat akkaunti muayyan mezonlarga javob beradiganlar uchun mavjud edi.
Profil belgisi
Akkaunt ismining yoniga qo‘yilgan yulduz shaklidagi o‘ziga xos nishon uni boshqa foydalanuvchilardan ajratib turadi.
Animatsion avatarlar
Video avatarlarining animatsiyasi nafaqat foydalanuvchi profilini ochishda, balki suhbatlar ro‘yxatida va dialog oynalarida ham ko‘rsatilishi mumkin.
Premium’ga ega bo‘lmagan foydalanuvchilar uchun yuqorida ko‘rsatilgan holatlarda video avatar oldindan tanlangan ramkada statik bo‘lib qoladi.
Qo‘shimcha ilova piktogrammalari
Telegram Premium’ga obuna bo‘lish orqali Telegram uchun ajoyib piktogrammalarning kengroq tanlovini ochish mumkin.
Izoh (0)