Fevral oyida Ukrainada boshlangan urush va Rossiyaga qo‘llangan sanksiyalar jahon iqtisodiyotiga jiddiy zarba berdi. Bu Markaziy Osiyo mamlakatlari, shuningdek, O‘zbekistonga ham ta’sir ko‘rsatmoqda.
Shu jumladan, mamlakatning avtomobil importi ham urush natijasida bir qator o‘zgarishlarga duch keldi.
Rossiya
Rossiya ko‘p yillardan beri O‘zbekistondagi asosiy avtomobil importchilaridan biri bo‘lib kelgan.
Ammo Ukraindagi urush boshlangandan keyin Rossiyada avtomobil zavodlarining faoliyati to‘xtab qola boshladi.
Buning natijasida O‘zbekiston Rossiyadan mashina sotib olishni keskin kamaytirdi — agar o‘tgan oylarda mamlakatdan uch 300 dona avtomobil olib kelingan bo‘lsa, aprelda bu ko‘rsatkich 107 taga tushib ketgan, mayda esa pasayish davom etib 79 taga yetgan.
Xitoy
O‘zbekistonning eng yirik avtomobil importchisi Xitoydan urushgacha bo‘lgan davrda 1 781 ta mashina olib kelingan.
Shundan so‘ng, mart oyida bu ko‘rsatkich 1 046 taga tushgan. Garchi aprelda import quvvati (1618 ta) tiklangandek bo‘lsa ham, may oyida 326 ta mashina importi bilan keskin quladi.
Bunga sabab qilib, Xitoyning antikovid cheklovlari oqibati iqtisodiy o‘sish ko‘rsatkichlari pasayayotganini keltirish mumkin.
Janubiy Koreya
Koreya bilan bog‘liq vaziyat Xitoynikidan farq qiladi. Yanvarda O‘zbekiston Koreyadan 1 136 ta mashina import qilgan bo‘lsa, fevralda bu ko‘rsatkich keskin tushib ketgan (376 ta).
Keyingi oylarda esa import hajmida o‘sish kuzatilgan. Xususan, aprelda mamlakatdan 870 ta mashina import qilingan.
Qozog‘iston
Yil boshida Qozog‘istondan avtomobil importi juda kichik raqamni (7 ta) tashkil etgan bo‘lsa ham, keyingi oylarda bu ko‘rsatkich o‘sib bordi.
Xususan, fevral oyida mamlakatdan 495 ta, aprel oyida esa 830 ta avtomobil import qilingan. Lekin may oyida importi hajmi kamayib, 519 taga tushib ketgan.
Boshqa davlatlar
Fevral oyida AQSHdan atigi 9 ta mashina olib kelingan bo‘lsa, chorak yakuniga kelib bu ko‘rsatkich o‘sib borgan. O‘tgan oyda esa mamlakatdan olib kelingan mashinalar soni 42 tani tashkil etgan.
BAA, Turkiya, Tailand kabi mamlakatlardan ham import ham xuddi shunday chorak yakunida o‘sishga erishib, o‘tgan oyda biroz susayib qolgan.
Avvalroq Rossiyada avtomobil ishlab chiqarish keskin kamaygani, bu O‘zbekistonga qanday ta’sir qilishi haqida xabar berilgandi.
Izoh (0)