Telegram тез орада ўзининг пуллик обунасини жорий қилади. Ушбу Premium аккаунтларнинг нархи маълум қилинди. Бу ҳақда «Telegram инфо» канали хабар берди.
Telegram Premium нархи ойига 3,99 доллар бўлиши кутилмоқда.
Бу мессенжер учун реклама платформасидан кейинги иккинчи монетизация усули бўлади. У иловани сақлаш харажатларининг бир қисмини қоплайди ва ишлаб чиқувчилар учун фойдаланувчиларга чексиз ва бепул хизмат кўрсатишда давом этиш имконини беради.
Пуллик аккаунтларнинг бир нечта янги имкониятлари бўлиши кутилмоқда:
Катта файлларни юклаш
Telegram Premium эгалари мессенжер булутига 4 Гб гача бўлган катта ҳажмдаги файлларни юклашлари мумкин бўлади.
Оддий фойдаланувчилар 2 Гб гача бўлган медиа жўнатишлари мумкин. Илова хотираси ҳали ҳам Telegram’дан фойдаланувчи ҳар бир киши учун чексиздир.
Йўқори тезлик
Медиа ва ҳужжатларни юклаб олиш тезлигида энди чекловлар бўлмайди. Пуллик абонентлар керакли файлларни илова кешига аввалгидан тезроқ юклаб олишлари мумкин.
Овозли хабарларни матнга айлантириш
Энди овозли хабарларни тинглашнинг ҳожати йўқ: аудио ёзувнинг мазмунини қулай матн форматига таржима қилиш мумкин.
Рекламалар йўқ
Барча постларни ўқиб чиққандан сўнг тасма охирида кўрсатиладиган ҳомийлик постлари энди йирик оммавий каналларда кўринмайди.
Имтиёз фақат Premium абонентлари учун амал қилади. Барча аудиторияга рекламаларни ўчириш учун пуллик воситалар ҳали ҳам канал маъмурлари учун мавжуд эмас.
Ноёб реакциялар
Обуна бўлган фойдаланувчилар стандарт тўпламга киритилмайдиган хабарлар остида қўшимча анимацион реакцияларни қолдиришлари мумкин (энди у 16 та эможини ўз ичига олади).
Premium стикерлар
Стикерлар ҳар ой тўлиқ экран эффектлари билан эксклюзив стикерларни ўз ичига олган пакетларда янгилана бошлайди. Чатга бундай стикерларни фақат Telegram Premium эгалари юбориши мумкин бўлади.
Кенгайтирилган диалог бошқаруви
Обуначиларга ҳар қандай ёрлиқни стандарт папка сифатида ўрнатиш имконияти берилади (ҳозирда All Chats стандарт папкадир).
Шунингдек, кирувчи диалог ойналарини автоматик архивлаш кўринишида яшириш созламалари ҳам мавжуд бўлади — аввал бу восита барча фойдаланувчилар учун мавжуд бўлмаган, фақат аккаунти муайян мезонларга жавоб берадиганлар учун мавжуд эди.
Профил белгиси
Аккаунт исмининг ёнига қўйилган юлдуз шаклидаги ўзига хос нишон уни бошқа фойдаланувчилардан ажратиб туради.
Анимацион аватарлар
Видео аватарларининг анимацияси нафақат фойдаланувчи профилини очишда, балки суҳбатлар рўйхатида ва диалог ойналарида ҳам кўрсатилиши мумкин.
Premium’га эга бўлмаган фойдаланувчилар учун юқорида кўрсатилган ҳолатларда видео аватар олдиндан танланган рамкада статик бўлиб қолади.
Қўшимча илова пиктограммалари
Telegram Premium’га обуна бўлиш орқали Telegram учун ажойиб пиктограммаларнинг кенгроқ танловини очиш мумкин.
Изоҳ (0)