Dunyodagi eng qimmat brend ma’lum bo‘ldi

Kantar’ning BrandZ Top 100 eng qimmat global brendlar ro‘yxati e’lon qilindi. Unda Apple eng qimmat brend sifatida birinchi o‘rinni egallagan.

Apple brendining qiymati o‘tgan yil davomida 947,1 mlrd dollarga oshgan. Kompaniya 2015-yildan beri birinchi marta yetakchilikni qo‘lga kiritdi.

Ikkinchi o‘rinni Google egalladi, kompaniya qiymati 820 mlrd dollarga baholandi. Amazon esa avvalgi birinchi o‘rnidan 705,6 mlrd dollar natija bilan uchinchi o‘ringa tushib ketdi.

Microsoft 611,5 mlrd dollar bilan to‘rtinchi, Xitoy internet giganti va WeChat egasi Tencent esa 214 mlrd dollar bilan beshinchi o‘rinni egalladi.

Dunyodagi eng qimmat brendlar o‘nligiga McDonald’s (197 mlrd dollar), Visa (191 mlrd dollar), Facebook (186 mlrd dollar), Alibaba (170 mlrd dollar) va Louis Vuitton (124 mlrd dollar) kirdi.

Ilon Mask tomonidan asos solingan Tesla (75 mlrd dollar) 29-o‘rinni egalladi.

Avvalroq dunyodagi eng qimmat media brend e’lon qilingani haqida xabar berilgandi.