Britaniya tashqi ishlar vaziri Ukrainani muzokaralar stoliga qaytarishga chaqirdi

London Kiyevga hududlarni begonalashtirish uchun bosim o‘tkazilishiga yo‘l qo‘ymaydi va Moskva bilan muzokaralarda Ukraina pozitsiyasini mustahkamlashga harakat qiladi, deya ta’kidladi Britaniya tashqi ishlar vazirligi rahbari Liz Trass.

G‘arb davlatlari Ukrainani Rossiya bilan muzokaralarda qo‘llab-quvvatlashi, Kiyev pozitsiyasini mustahkamlashi kerak. Bu haqda Liz Truss Britaniya parlamentining Jamoalar palatasida so‘zlagan nutqida aytib o‘tdi.

“Biz hech qachon Ukrainaga o‘z hududidan voz kechish uchun bosim o‘tkazilishiga yo‘l qo‘ymaymiz, biz bunga hech qachon rozi bo‘lmaganmiz. G7 (“Katta yettilik”) va NATO orqali biz Ukrainaning pozitsiyasini mustahkamlash uchun barcha narsani qilyapmiz (muzokaralar stolida). Shuningdek, Boltiqbo‘yi mamlakatlari va Polshadagi do‘stlarimiz ham bu jarayonda ishtirok etishiga ishonch hosil qilishimiz kerak”, — deydi Trass.

Uning so‘zlariga ko‘ra, Rossiya hali “jiddiy muzokaralar” kayfiyatida ekanini “ko‘rsatmadi”.

“Ukraina g‘alaba qozonishi mumkin va bu shart” — deya xulosa qiladi britaniyalik vazir. U London mojaro qancha davom etishidan qat’iy nazar, Kiyev oldidagi majburiyatlaridan chetga chiqmasligiga va‘da berdi.

Trass ta’kidlashicha, Rossiya tomoni bu mojaroda nafaqat mag‘lub bo‘lishi, balki undan hech qanday foyda ko‘rmasligi, shuningdek Moskva jahon sahnasida yakkalanib qolishi kerak.