Yevropa Ittifoqi Rossiya nefti va gazidan bosqichma-bosqich voz kechish rejasini ma’qulladi, bu qit’ani Rossiya energiyasiga qaramlikdan butunlay xalos qilishga mo‘ljallangan. Endilikda Yevropa Ittifoqi neft va gaz eksport qiluvchi boshqa mamlakatlar bilan birga muqobil energiya manbalariga ham murojaat qilmoqda, deya xabar berdi Direct Industry.
Yevropa energiya manbalari sifatida Shimoliy Afrikada joylashgan va yilning aksariyat qismi quyoshli o‘tadigan Tunis kabi mamlakatlardan foydalanishga tayyor. Tunisning TuNur kompaniyasi Italiya, Fransiya va Maltani suvosti kabellari orqali elektr energiyasi bilan ta’minlash uchun 4,5 gigavattli quyosh elektr stansiyasini qurish loyihasini e’lon qildi. Elektr stansiyasining maydoni 180 kvadrat kilometrni tashkil qiladi.
Biroq, bu uzoq muddatli loyiha — Shimoliy Afrikadan elektr energiyasi yetkazib berish 2027-yilgacha boshlanmaydi. Yevropa esa bugunoq Rossiyaga qaramlikdan xalos bo‘lishga intilmoqda, shuning uchun Tunisning Yevropa elektrostansiyasi sifatidagi taqdiri hali noma’lum.
Izoh (0)