Европа Иттифоқи Россия нефти ва газидан босқичма-босқич воз кечиш режасини маъқуллади, бу қитъани Россия энергиясига қарамликдан бутунлай халос қилишга мўлжалланган. Эндиликда Европа Иттифоқи нефть ва газ экспорт қилувчи бошқа мамлакатлар билан бирга муқобил энергия манбаларига ҳам мурожаат қилмоқда, дея хабар берди Direct Industry.
Европа энергия манбалари сифатида Шимолий Африкада жойлашган ва йилнинг аксарият қисми қуёшли ўтадиган Тунис каби мамлакатлардан фойдаланишга тайёр. Туниснинг TuNur компанияси Италия, Франция ва Мальтани сувости кабеллари орқали электр энергияси билан таъминлаш учун 4,5 гигаваттли қуёш электр станциясини қуриш лойиҳасини эълон қилди. Электр станциясининг майдони 180 квадрат километрни ташкил қилади.
Бироқ, бу узоқ муддатли лойиҳа — Шимолий Африкадан электр энергияси етказиб бериш 2027 йилгача бошланмайди. Европа эса бугуноқ Россияга қарамликдан халос бўлишга интилмоқда, шунинг учун Туниснинг Европа электростанцияси сифатидаги тақдири ҳали номаълум.
Изоҳ (0)