Avstraliya terma jamoasi JCH—2022 o‘tish o‘yini doirasida 13-iyun tunida Peruga qarshi bahs olib bordi.
Qatarda bo‘lib o‘tgan o‘yining asosiy vaqtida darvozalar ishg‘ol etilmadi va g‘olib nomi penaltilar seriyasida aniqlandi. Seriyada 5:4 hisobida Avstraliyaning qo‘li baland keldi.
Shu tariqa Avstraliya termasi o‘z tarixida 6-marta JCH yo‘llanmasini qo‘lga kiritdi. Jamoa qatorasiga 5-bor mundialda ishtirok etadi. Osiyo qit’asi nomidan qatnashadigan Avstraliya bungacha o‘tish o‘yinida BAAdan ustun kelgandi. Jamoa to‘rt yillikning eng nufuzli musobaqasida Daniya, Fransiya va Tunis bilan birga D guruhidan joy oladi.
Jahon Chempionatiga yo‘llanma olgan 31 ta terma jamoa nomi aniq bo‘ldi. So‘nggi 32-yo‘llanma 14-iyun kuni Kosta-Rika va Yangi Zelandiya jamoalari o‘rtasidagi uchrashuvda o‘z egasini topadi.
Qayd etish kerak, Qatar—2022 da Osiyo qit’asidan 6 ta terma jamoa qatnashadi. Bular mezbon Qatar, Yaponiya, Janubiy Koreya, Eron, Saudiya Arabistoni va Avstraliya.
JCH—2022 saralashi
O‘tish o‘yini
13-iyun, dushanba
Avstraliya – Peru 0:0
Penaltilar seriyasi — 5:4.
Avstraliya: Rayan (Redmeyn, 120), Atkinson (Karachich, 90), Rayt, Roulz, Bexich (Gudvin, 120), Muy, Irvayn, Xrustich, Boyl, Dyuk (Mabil, 69), Lekki (Maklaren, 87).
Peru: Galyese, Advinkula, Sambrano, Kalyens, Trauko, Karrilyo (Flores, 65), Kueva (Valera, 116), Gonsales, Tapiya, Penya (Akino, 80), Lapadula.
Ogohlantirishlar: Atkinson (12), Flores (102).
Izoh (0)