Австралия терма жамоаси ЖЧ—2022 ўтиш ўйини доирасида 13 июнь тунида Перуга қарши баҳс олиб борди.
Қатарда бўлиб ўтган ўйининг асосий вақтида дарвозалар ишғол этилмади ва ғолиб номи пенальтилар сериясида аниқланди. Серияда 5:4 ҳисобида Австралиянинг қўли баланд келди.
Шу тариқа Австралия термаси ўз тарихида 6 марта ЖЧ йўлланмасини қўлга киритди. Жамоа қаторасига 5-бор мундиалда иштирок этади. Осиё қитъаси номидан қатнашадиган Австралия бунгача ўтиш ўйинида БААдан устун келганди. Жамоа тўрт йилликнинг энг нуфузли мусобақасида Дания, Франция ва Тунис билан бирга D гуруҳидан жой олади.
Жаҳон Чемпионатига йўлланма олган 31 та терма жамоа номи аниқ бўлди. Сўнгги 32-йўлланма 14 июнь куни Коста-Рика ва Янги Зеландия жамоалари ўртасидаги учрашувда ўз эгасини топади.
Қайд этиш керак, Қатар—2022 да Осиё қитъасидан 6 та терма жамоа қатнашади. Булар мезбон Қатар, Япония, Жанубий Корея, Эрон, Саудия Арабистони ва Австралия.
ЖЧ—2022 саралаши
Ўтиш ўйини
13 июнь, душанба
Австралия – Перу 0:0
Пенальтилар серияси — 5:4.
Австралия: Райан (Редмейн, 120), Аткинсон (Карачич, 90), Райт, Роулз, Бехич (Гудвин, 120), Муй, Ирвайн, Хрустич, Бойл, Дюк (Мабил, 69), Лекки (Макларен, 87).
Перу: Галесе, Адвинкула, Самбрано, Каленс, Трауко, Каррильо (Флорес, 65), Куэва (Валера, 116), Гонсалес, Тапия, Пеня (Акино, 80), Лападула.
Огоҳлантиришлар: Аткинсон (12), Флорес (102).
Изоҳ (0)