Jorjo Kyellini “Los-Anjeles” safiga o‘tayotganini ma’lum qildi.
“Yuventus” sobiq himoyachisi o‘z Twitter sahifasiga Amerika klubi ramzi tushirilgan kiyimda video joyladi. Italiyalik futbolchi ushbu rolikni “Yangi bo‘lim” deb nomladi.
“Los-Anjeles” 37 yoshli Kyelliniga bir yarim yillik shartnoma taklif qilgani haqida xabarlar yangragandi.
Avvalroq Jorjo faoliyatini yakunlamoqchi ekani ma’lum qilingandi.
Ma’lumot uchun, Kyellini 2005-yildan 2022-yilga qadar turinliklar sharafini himoya qildi. U jamoa bilan 9 marta Italiya chempionligini qo‘lga kiritgan va bir marta ikkinchi divizionda g‘olib chiqqan. Shuningdek, 5 martadan Italiya Kubogi va Superkubogida zafar quchgan.
Izoh (0)