Marselo “Real” bilan xayrlashdi.
Klubga, yillar davomida birga o‘ynashdan zavqlangan jamoadoshlarimga, murabbiylarga, men uchun oilamdek bo‘lib qolgan xodimlarga, qo‘riqchilarga minnatdorchilik bildiraman.34 yoshli Marselo 2007-yildan buyon “Madrid” sharafini himoya qilib kelgan. Himoyachi “qaymoqranglilar” bilan 25 ta sovrin qo‘lga kiritgan. Bu klubdagi rekord natija. Joriy mavsumdagi Ispaniya chempionligidan so‘ng Marselo “Real”da 23 ta sovringa erishgan Fransisko Xentoni ortda qoldirib, klub tarixidagi eng ko‘p sovringa ega chiqqan futbolchiga aylangan edi.O‘zimizni faqat futbol o‘ynashga bag‘ishlaymiz, lekin shuni ta’kidlamoqchimanki, biz o‘ynay olishimiz ortida ko‘plab odamlar turibdi va bu haqida “Real Madrid”da bilib oldim.
Bularning barchasi uchun “Madrid”ga rahmat demoqchiman. Har bir kunimda dunyoning eng yaxshi jamoasida o‘ynayotganim uchun quvonch bilan uyg‘onaman. Farzandlarim dunyoning eng kuchli klubida o‘ynay olganimni ko‘rdi.
“Real” bilan shartnoma imzolaganimda cho‘qqiga chiqa olaman deb o‘ylagandim va hozir jamoa tarixidagi eng ko‘p sovrin qo‘lga kiritgan futbolchiman. Raulni alohida ta’kidlab o‘tmoqchiman. O‘g‘lim tug‘ilganda sardor sifatida menga ko‘p narsa o‘rgatgandi.
Bizga ko‘p narsalar bergan, buni unutmaymiz. O‘sha lahzadan boshlab undan o‘rnak olib, uning ortidan borishni maqsad qildim. Bugun men unga o‘rnak bo‘lganini aytish imkoniyatidan foydalangan holda bu yerni tark etyapman.
Madridni boshimni ko‘targan holda tark etyapman. Oilam men bilan juda faxrlanadi. Men baxtli insonman, ishimda ham, atrofimdagi insonlar bilan ham omadim chopgan. Barchangizga rahmat. Bu xayrlashuv emas, men o‘zimni Madridni tark etayotgandek his qilmayapman. Menga chipta bermasangiz muammolar paydo bo‘lishi mumkin.
“Madrid”ning kelajagi xavfsiz deganimda, har doimgidek u juda istiqbolli ekanligini nazarda tutdim. Shu o‘rinda akademiyada shug‘ullanayotgan o‘g‘lim haqida ham gapiryapman. Bu yerga yigitcha sifatida kelgandim, ulg‘aygan erkak bo‘lib tark etyapman.
Marselo, “Real” futbolchisi
Marselo “Real”dagi faoliyati davomida 6 marta Ispaniya chempionligi, 2 marta Ispaniya Kubogi, 5 marta Ispaniya Superkubogi, 5 marta Chempionlar Ligasi, 3 marta UEFA Superkubogi, shuningdek, 4 marta Klublar o‘rtasidagi Jahon chempionatida g‘alaba qozongan.
Izoh (0)