Futbol qoidalariga o‘zgarishlar kiritildi.
Dohada bo‘lib o‘tgan Xalqaro futbol assotsiatsiyasi kengashining (IFAB) umumiy yig‘ilishida koronavirus pandemiyasi sababli 2020-yilning may oyida vaqtinchalik joriy qilingan beshta o‘yinchi almashtirish qoidasini doimiy ravishda qo‘llash to‘g‘risida qaror qabul qilindi.
O‘yinchilarni uchta va qo‘shimchasiga tanaffus vaqtida almashtirish tasdiqlandi. Shuningdek, musobaqa tashkilotchisining ixtiyoriga ko‘ra o‘yin uchun zaxiradagi futbolchilarning soni 12 nafardan 15 nafargacha oshirishga qaror qilindi.
Bundan tashqari, FIFA hamda Angliya, Shotlandiya, Uels va Shimoliy Irlandiya futbol assotsiatsiyalari vakillari ishtirokida o‘tkazilgan yig‘ilishda hakamlarga hurmatsizlik va ularning xavfsizligi masalasi muhokama qilindi. Ishtirokchilar ushbu muammoni hal qilish bo‘yicha tashabbuslarni ishlab chiqishga kelishib oldi, jumladan, hakamlarning tanasiga o‘rnatiladigan kameralar bilan mumkin bo‘lgan sinovlar.
Shuningdek, Qatarda miya chayqalishi (ilmiy asoslangan qaror qabul qilishga yetarli ma’lumotlar to‘plash uchun 2023-yil avgustga qadar uzaytirilgan) tufayli o‘rinbosarlarni almashtirish bo‘yicha davom etayotgan sinovlar va o‘yindan tashqari holatning alternativlari muhokama qilindi.
Yig‘ilishda hozirda sinovdan o‘tkazilayotgan, boshqa mumkin bo‘lgan yangiliklar o‘rtaga tashlandi: o‘yin davomida hakamlarning ba’zi qarorlarini tushuntirish, vaqtni adolatli hisoblash va maydon tashqarisiga chiqib ketgan to‘pni oyoq bilan o‘yinga kiritish. FIFA va IFAB ushbu jarayonlarni nazorat qilmoqda.
Avvalroq FIFA futbol o‘yinlari 60 daqiqagacha qisqarishi va sof o‘yin vaqtini joriy etishi mumkinligi xabar qilingandi.
Izoh (0)