Xavi Xerard Pikeni “Barselona” asosiy tarkibida ko‘rmoqchi emas va rahbariyatdan boshqa himoyachi sotib olishni so‘radi

“Barselona” bosh murabbiyi Xavi va himoyachi Xerard Pike o‘rtasidagi uchrashuv tafsilotlari ma’lum bo‘ldi.

Mundo Deportivo nashrining xabariga ko‘ra, ikki hafta oldingi suhbat chog‘ida “Barselona” bosh murabbiyi himoyachiga bundan buyon asosiy tarkib futbolchisi bo‘lmasligini aytgan. Shuningdek, murabbiy futbolchining tez-tez olayotgan jarohatlari, maydondan tashqari hayotidagi ko‘plab chalg‘ituvchi omillar borligi va yuqori maoshi haqida gapirib o‘tgan.

Pikening o‘zi esa kataloniyaliklar safida qolib, asosiy daqiqalardan maydonda tushish va jamoaning eng kuchli himoyachisi ekanligini isbotlash istagida. Ispaniyalik himoyachi maoshi pasayishiga rozi.

“Sevilya” himoyachisi Jyul Kunde “Barselona” qiziqishlar doirasiga tushdi. Diario Sport’ning yozishicha, kataloniyaliklar bosh murabbiyi Xavi yangi mavsumda Kunde—Arauxo juftligini himoya markazida sinab ko‘rishni maqsad qilgan.

Ispaniyalik mutaxassis rahbariyatdan Kunde transferini amalga oshirishni so‘ramoqda, biroq “ko‘k-anorranglilar”da moliyaviy muammolar borligini ham tushunib turibdi. Shunga qaramay, rahbariyat barchasini to‘g‘rilashiga umid qilmoqda.

Jyulning narxi 60 million yevroni tashkil etadi. Hozirda himoyachiga Londonning “Chelsi” klubi ham qiziqish bildirmoqda.