Fransiya terma jamoasi Millatlar Ligasi 4-turida Xorvatiyaga 0:1 hisobida imkoniyatni boy berdi.
Fransuzlar o‘z tarixida ilk bor Xorvatiyaga mag‘lub bo‘ldi. Terma jamoalar jami 10 marta bir-biri bilan to‘qnash kelgan. 6 ta o‘yinda Fransiya g‘alaba qozongan bo‘lsa, qolgan 3 o‘yinda durang natija qayd etilgan.
Didye Desham shogirdlari ketma-ket 4-o‘yinda g‘alaba qozona olmayapti. Avvalroq amaldagi chempionlar Daniyaga 1:2 hisobida mag‘lub bo‘lgan bo‘lsa, Xorvatiya va Avstriya bilan durang o‘ynagandi.
Fransuzlar guruhda 2 ochko bilan so‘nggi o‘rinni egallab turibdi. Daniya 9 ochko bilan A guruhi yetakchisi, Xorvatiya 7 ochko bilan ikkinchi o‘rinda, Avstriya esa 4 ochko to‘plagan holda uchinchi pog‘onani band etgan.
Fransiyada B ligaga tushib ketish ehtimoli mavjud. Terma jamoa 22-sentabr kuni Avstriya bilan to‘qnash keladi va agarda mag‘lub bo‘lsa, B ligaga tushib ketadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)