Qoraqalpog‘istonning Nukus tumanida farzandini qaytarib olishga borgan ayol va uning onasi qaynotasi tomonidan o‘ldirildi. Bu haqda Qoraqalpog‘iston prokuraturasi xabar qildi.
Qayd etilishicha, Nukus tumanida yashovchi S.K. ismli ayol 10-iyun kuni qaynotasi Y.S. bilan o‘zaro janjallashib, onasi SH.K.ning uyiga arazlab ketib qolgan. 11-iyun kuni soat 14:00 larda ayol onasi SH.K. va yangasi J.A. bilan birga qaynotasi bilan qolgan voyaga yetmagan farzandini (2020-yilda tug‘ilgan) olib ketish uchun borgan.
O‘rtada kelib chiqqan janjal tufayli Y.S. qo‘lidagi temir jism bilan S.K. va uning onasi SH.K.ni urib, qasddan o‘ldirgan. Shundan keyin ular bilan birga kelgan fuqaro J.A.ning bosh va yuz qismlariga hamda tanasining boshqa joylariga bir necha marta urib o‘ldirmoqchi bo‘lgan vaqtda J.A. voqea joyidan qochib yashirinib, og‘ir tan jarohatlari bilan Nukus tumani tibbiyot birlashmasiga yotqizilgan.
Nukus tumani prokuraturasi tomonidan holat bo‘yicha Jinoyat kodeksining 97-moddasi 2-qismi “a” bandi (ikki yoki undan ortiq shaxsni qasddan o‘ldirish) bilan jinoyat ishi qo‘zg‘atilib, Y.S. ushlangan.
Hozirda jinoyat ishi bo‘yicha Qoraqalpog‘iston Respublikasi prokuraturasi tomonidan dastlabki tergov harakatlari olib borilmoqda.
Avvalroq Samarqandda o‘g‘il o‘z otasi va akasini bolta bilan chopib tashlagani, Sirdaryoda xotinini farzandining oldida 14 marta pichoqlab o‘ldirgan erkak 17 yilga qamalgani, Farg‘onada 45 yoshli erkak xotinini bolta bilan chopib tashlagani to‘g‘risida xabar berilgandi.
Mavzuga doir:
- Surxondaryoda qaynona nabirasiga arzon oyoq kiyim olib bergan kelinini farzandlari oldida 32 marta pichoqlab o‘ldirdi
- Andijonda onasiga baqirgan ukasi bilan janjallashib, uning o‘limiga sababchi bo‘lgan aka 10 yilga qamaldi
- Farg‘onada xotini va 13 yoshli o‘g‘lini tayoq bilan urib o‘ldirgan erkak 22 yilga qamaldi
Izoh (0)