Қорақалпоғистоннинг Нукус туманида фарзандини қайтариб олишга борган аёл ва унинг онаси қайнотаси томонидан ўлдирилди. Бу ҳақда Қорақалпоғистон прокуратураси хабар қилди.
Қайд этилишича, Нукус туманида яшовчи С.К. исмли аёл 10 июнь куни қайнотаси Й.С. билан ўзаро жанжаллашиб, онаси Ш.К.нинг уйига аразлаб кетиб қолган. 11 июнь куни соат 14:00 ларда аёл онаси Ш.К. ва янгаси Ж.А. билан бирга қайнотаси билан қолган вояга етмаган фарзандини (2020 йилда туғилган) олиб кетиш учун борган.
Ўртада келиб чиққан жанжал туфайли Й.С. қўлидаги темир жисм билан С.К. ва унинг онаси Ш.К.ни уриб, қасддан ўлдирган. Шундан кейин улар билан бирга келган фуқаро Ж.А.нинг бош ва юз қисмларига ҳамда танасининг бошқа жойларига бир неча марта уриб ўлдирмоқчи бўлган вақтда Ж.А. воқеа жойидан қочиб яшириниб, оғир тан жароҳатлари билан Нукус тумани тиббиёт бирлашмасига ётқизилган.
Нукус тумани прокуратураси томонидан ҳолат бўйича Жиноят кодексининг 97-моддаси 2-қисми «а» банди (икки ёки ундан ортиқ шахсни қасддан ўлдириш) билан жиноят иши қўзғатилиб, Й.С. ушланган.
Ҳозирда жиноят иши бўйича Қорақалпоғистон Республикаси прокуратураси томонидан дастлабки тергов ҳаракатлари олиб борилмоқда.
Аввалроқ Самарқандда ўғил ўз отаси ва акасини болта билан чопиб ташлагани, Сирдарёда хотинини фарзандининг олдида 14 марта пичоқлаб ўлдирган эркак 17 йилга қамалгани, Фарғонада 45 ёшли эркак хотинини болта билан чопиб ташлагани тўғрисида хабар берилганди.
Мавзуга доир:
Изоҳ (0)